【初嚐禁果】補習老師：中六學生有咗BB唔知點算！網友熱心獻計卻反對告訴家長？

By Dara on 04 Mar 2024

Deputy Managing Editor

中學生對性好奇，初嚐禁果以致「搞出人命」的事時有發生，由於他們年紀尚幼，往往不懂得如何處理，只能向相熟朋友求助。本地一名補習老師，正遇上這個問題，她的女學生懷上身孕，不知如何是好？

Photo from 《某日某月》劇照

Photo from 《早熟》劇照

與補習女學生感情深厚

該名補習老師在討論區《Dcard》發帖：「私補學生同我講佢有咗」，事主與女學生亦師亦友，由中二補習至現時中六，二人無所不談。由於女學生家教嚴厲，家人對她期望高，反而令關係不親密，女生很少把心事跟家人傾訴，事無大小都愛向事主分享。事主說：「我知佢有個一齊咗3年嘅男朋友，一直關係都好好。」

Photo from MamiDaily

胎兒的去留問題

最近，女學生更把自己最私密的事情告訴事主：「佢琴日同我講佢冇嚟m，驗孕棒check發現有咗，問我應該點？」面對女生未婚懷孕，事主也不知如何是好，「我完全唔知應該要點答佢，我同佢講，一定要去醫院/家計會check睇下幾多個月，可以嘅話一定要喺醫院或者家計會落，千祈唔好去啲奇怪地方落。」她又擔心自己說錯話，始終事件可大可小，關乎一個小生命的去留，於是詢問網友有沒有更好的解決方法？

Photo from MamiDaily

過來人的三個建議

事關人命，不少網民熱心回答，有過來人建議三個選擇：
1. 搵社工
搵一位你信任嘅社工，唔好係學校社工，最好係出面機構嘅。點都要有人接咗個case先，唔好係冇選擇嘅情況下比人知咗就唔理三七二十一比學校社工處理，學校社工同老師家長嘅關係可能會令學生難以信任社工係為佢着想。(同埋都避免學校成為咗令學生感到有壓力嘅地方)
2. 家計會
呢啲基本嘢肯搵就一定有，自己搵唔多講。
3. 家庭
呢個好睇佢屋企氣氛如何，但我估佢同得你講可能就係比較怕屋企人嘅過度反應。叫佢同社工傾下，係咩時候咩狀態下同屋企人講，盡量將成件事嘅節奏放係可控嘅狀態下，對學生都比較有安全感。件事順利佢先會願意一步一步去處理。
「我嘅case嚟講係中六17歲，必須要比家長知道先可以繼續處理成件事，如果你嗰case 已經過18（歲），可能會有啲分別。帶返頭盔先，上面都只不過係我自己嘅經歷，你可以係咁兒參考吓」

Photo from 《某月某日》劇照

應否告訴家人呢？

亦有人表示女學生「首先*一定一定一定* 要同屋企人講」，因為遲早都要面對，愈拖件事愈嚴重，趁早坦白才是正解，尤其是未成年的話，家長一定要知。
「首先唔好責備佢點解唔避孕之類，因為已經發生左，無謂令佢更大壓力。其次如果佢25歲以下一定係去青少年家計會，選擇墮胎嘅話一定係平好多同埋安全，不過記得早d去，過左某個週數要墮胎嘅話佢哋係唔收。最後一定要叫佢同屋企人商量，因為墮胎之後好傷身，理論上黎講都要坐月，同埋屋企人會俾到佢支援，相信佢坦白交代屋企人都諒解嘅」。

Photo from 《早熟》劇照

對於是否告訴家人，意外引起網友兩極意見，有人反對：「最好睇埋佢屋企人咩情況先…有啲屋企人極端啲，知道咗嘅話個女連命都冇」、「我由頭到尾都冇同過屋企人講，覺得自己都處理到，講完其實冇乜幫助，同埋都過咗去，講嚟做乜？」、「現實係唔係個個家長都咁開明咁supportive，好多唔單止唔會情緒上支援你，反而會講啲好hurt嘅嘢、嫌棄你、揭你傷疤」。有人直指女學生發生這種事，選擇告訴補習老師而不是屋企人，可想而知跟家人關係冷淡，父母不是開明那種，他們未必會支持女生，反而會成為壓力，而這件事亦間接證明香港的性教育不足。