download MamiDaily 親子日常 app
【補習】幫小四學生補習 發現大落後連「He She It」都未識串  網民:家長之過

【補習】幫小四學生補習 發現大落後連「He She It」都未識串 網民:家長之過

mami熱話 親子新聞
By Dara on 17 Feb 2024
Deputy Managing Editor

學業繁重,小學生需要補習情況常見,但並不代表補習後成績能突飛猛進。本地一名補習老師,替小四學生上門補課,發現學生進度落後,只有小一、二程度,大嘆究竟是小朋友有問題,還是家長有問題?

事主正為一名小四學生補習Photo from 《意外發現的一天》劇照

 

小四學生 只有小一、二程度

女事主在討論區《Dcard》發帖「搞唔掂個私補學生」,原來她正為一名小四學生補習,頭兩三個月,她付足心機教導,但由於學生進度落後,令她漸漸氣餒。她直言學生只有小一、二程度,「好多中文字認唔到,又唔識寫,英文更差『is am are has have』都唔識用,『He she it』唔識串。問佢:『他』嘅英文係咩?佢寫『S』。數學背唔熟乘數表,減數長期計錯。」

學生無論中英數都有不同問題Photo from MamiDaily

家長指孩子無問題

除了程度大落後外,學生還有易攰和無記性等問題。事主說:「我已經攰到冇力氣教,主要係佢上堂會瞓覺,補15分鐘後就眼瞓,氹佢又唔掂,俾佢瞓5分鐘,起身做5分鐘又眼瞓返。每次教佢嘅嘢,重複10次都冇聽入耳,就算今日教識佢,第二日嚟補,又唔記得晒。」事主覺得疑惑,是不是學生有學習障礙,例如讀寫障礙之類,但跟家長查詢後,家長卻指「醫生話佢無問題」。令事主不知應如何教導,甚至想過放棄,「我本身頭幾個月都仲有心教,但依家目標只係幫佢做完啲功課」。

學生有易攰和無記性問題,令事主無法教導下去Photo from 《愛回家》劇照

追不上進度情況不罕見

帖文發出後,引來不少私補的老師回應,原來這種情況不是個別例子。「明,我都教過個小二都未識分b同d嘅」、「之前返補習社都有個小四學生係咁,每次教佢中文功課都好崩潰,我問佢呢隻字點讀,佢都話唔識,指住教佢讀,教完最後一隻再問返第一隻字,都係唔識讀」。

網友一致認為,補習老師每星期只不過教小朋友數小時,能做的事有限,最大問題是家長平日不管不教,令學生進度日益落後。「呢啲細路多數父母都唔用心教,無論你點努力,佢都唔會有改變,因為佢父母都唔執好佢,憑咩覺得你對得佢幾個鐘,可以改變到佢?」、「最大問題係佢父母根本冇心理佢。我一個禮拜對得佢兩日各兩個鐘,淨低五日佢父母連叫佢做功課都冇,係靠我嚟嗰兩日監住佢做返成個禮拜嘅功課,根本冇時間再搵啲英文兒歌陪佢聽吓。佢父母仲好意思問我點解個女補咗咁耐英文都係冇起色」。

網民認為家長不管不教,補習老師無可奈何Photo from MamiDaily

 

亦有人直指,覺得學生不是成績追不上問題,而是有學習障礙,「講真你哋啲case明顯係有障礙,建議同佢地父母講清楚,唔好再追求學校教學進度,由小一開始教」、「會唔會唔只/唔係讀寫障礙,可能有智力發展遲緩?」亦有過來人分享,說自己直至中一才分得清「is am are點用」、「he she it 要加s」、「colour,beautiful同butterfly係中三先識串」,這跟有沒有心讀書有關,而這些問題,都要家長去解決。

 

Source:《Dcard》

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道