【控訴校方】中學一年收$300冷氣費原來另有用途 F2女呻：天氣悶熱仲熄埋總掣唔俾開

By conniewong on 13 Mar 2024

Digital Editor

踏入3月，天氣也逐漸回暖，相信不少人已換上短衫短褲，準備好迎接生機勃勃的春天。不過，天氣忽冷忽熱又潮濕，卻不是個個人歡喜，反而一不小心就會感冒著凍。日前，一名中學生則抱怨自踏入春天後，課室就變得悶熱，再加上學校不准開冷氣，導致她不時會頭痛。

Photo from 劇照《學校2021》

校方無理措拖

日前，一名就讀中學二年級的女學生在社交專頁《school.sercet》上發文，控訴校方無理措拖。她表示自上個月起，每當正午過後，天氣總會變得又焗又熱，導致上堂時會感到燥熱氣悶，嚴重更有頭痛跡象。然而，校方卻禁止學生擅自開冷氣，甚至連電源總掣都關上了。

Photo from MamiDaily

收$300冷氣費

事主透露，學校每年會收取$300的冷氣費，但學生實際上要開冷氣時又遭禁止，不禁令人質疑資金的去向。「原來係比老師開冷氣，得啦啲錢俾你用晒嚟裝修地下個廁所算」，更直斥學校金玉其外，敗絮其中。「淨係需要比外來嘉賓睇到美好嘅一面，而真正喺入邊讀書嘅學生就熱到開冷氣都不由自主」。

Photo from MamiDaily

開冷氣的自由權

她認為香港並不像海外地區，如英、美及歐洲等地，「香港嘅冬天係會凍亦都會熱」，不能以環保和節省冷氣費為由，就漠視學生的感受。如今，事主只望促請校方交還開冷氣的自由權予學生，並承諾不會濫用資源，「我哋唔會自己覺得凍都會開冷氣」。

Photo from 劇照《青春本我》

網民反應兩極

不過帖文發出後，卻引來網民反應兩極，有同樣經歷的學生支持事主的想法。「完全明白你嘅感受，試過我學校喺一月嗰陣，係熱到真係要破例開冷氣，香港嘅冬天同春天已經預咗係溫差好大，唔開冷氣嘅話真係頂唔順」、「可以唔開冷氣但係既然唔開就咪收人冷氣錢」、「仲要男仔打完波返班房，又焗又熱又臭，老師係門口都唔想行入個班房教書」、「如果真係咁偉大就唔該啪埋教員室校長室個總掣」。