【升中】升中競爭大成績頂尖學生選二三線直資中學面試家長：無諗住讀點解霸住啲面試位？

By Dara on 03 Mar 2024

Deputy Managing Editor

當自己成為父母，才明白父母的喜怒哀樂，以及無私的愛！

每年升中競爭激烈，由於自行分配學位只可選擇2間中學，萬一落選便要等「大抽獎」，不少家長欲買個「保險」，都會同時到直資或私立中學報名。這個做法雖然常見，但有家長在網上伸訴，「(這批學生)由頭到尾都冇諗過揀嗰啲學校，點解要霸住啲面試位？」

Photo from MamiDaily

直資學校升中面試

2、3月是中學面試和取錄學生的旺季，家長在「全港・升中一家長互助群組」發帖，直言不明白為何成績好、接近頂尖的小六學生，會選擇到二、三線的直資學校面試。事主說：「根據成績，呢啲學校一定收你哋！但係永遠收到之後，（家長）第一時間已經話唔會讀，有啲收咗之後諗都冇諗就話要等自行大抽獎。」事主認為，既然一早覺得這些學校不合適，為何還要嘥時間去面試呢？

Photo from 翻攝自《智能愛人》

等人放棄學位候補

最令事主困擾的是，這樣做會令成績中上游、想入讀該些學校的學生望門輕嘆！「其實我嘅意思係根本呢班成績勁嘅人，由頭到尾都冇諗過揀嗰啲學校，點解要霸住啲面試位？我諗你哋覺得間學校唔好，唔係應該係有結果之後先知呀？其實你報名嗰刻，已經知道學校唔係你心儀！咁你嘥時間去嚟做乜。」

事主又引用朋友做例子，某間學校取錄他的孩子後，即使沒有其他學校的取錄通知，已決定放棄這個學位，「得一個Offer人哋收你你又唔讀，根本呢啲人都唔知係咩心態！」事主再補充，每年直資頭幾輪有很多人放棄，「難為我哋啲Band one尾Band two頭，要等你哋玩完放棄先有得候補上嚟」。

Photo from MamiDaily

網民：買Interview 練習機會

對於事主的伸訴，大多數網民不以為意，認為不少學生為吸取面試經驗，所以才會到直資中學報名，務求面試心儀學校時更有把握。「純粹係interview training」、「平平地(報名費)買個 interview 練習機會」、「$50買個經驗啫」、「有啲人用直資面試當練習，到面試自己心儀果間感覺有啲心理準備知咩流程囉！」。

有人指出，即使成績好那班學生去了面試，亦不會霸佔學位，「佢有其他 offer 自然會放返個位。係你嘅就係你嘅」、「佢即刻reject offer個位都係會放返出嚟喎」、「上面1A-B學生唔take offer，學位始終會落返到去啱嘅小朋友手上，我唔明有咩好嬲，如果你小朋友係1C學生，一樣可以去報band 2直資，咁後面嗰啲家長又要嬲啦？」。

Photo from 《哪一天我們會飛》劇照

另一方面，有網民認同事主的想法，覺得這是損人不利己的行為，「真正叻嘅學生，家長點會甘心報二線直資？」、「呢班人由n班幼稚園開始已經係咁」，立即有人反駁，「市場向來價高者得，能者就係有資格，次等就係要等」、「又咁講，自由市場就係咁，將來入大學、找工作，都可能有這情況的」，又指小朋友有自己的人生，有自己的命水，做家長要學會放鬆。