【復活節自家製比賽一樣咁好玩 小朋友玩得開心又符合經濟效益】

XX灣的大型尋蛋活動在香港反應熱烈，絕對是一票難求，不知是否大家都想復活節玩些有節日氣氛的活動，而且活動在沙灘舉行，絕對滿足到放電、親子、大自然三大要求。

但那個活動要幾百蚊，又怕人多，於是我與好友想到不如趁星期一學校放假，自己攪場沙灘尋蛋。

星期一的清水灣沙灘，沒甚麼人，簡直有包場感覺。

慶幸這次與富有舉辦尋蛋活動經驗的彤媽一齊。蛋由她準備，我只準備阿仔搵蛋後換的小禮物(沒有特別買，都係平時儲埋人哋送嘅零食同小玩具)。

兩個媽媽一起準備的獎品， 都幾豐富吸引吖。

彤媽預先用錫紙將玩具蛋包好，讓小朋友在茫茫沙海掘，真細心。

～～要開始囉～～

首先叫小朋友幫忙找一堆石頭，用來圈住放蛋範圍。

圈好範圍，就叫小朋友玩住沙先，我哋兩個媽媽偷偷埋蛋。記得數住埋咗幾多隻，最好一邊埋一邊做啲小記號。

做好準備就可以向小朋友解釋遊戲玩法。

玩法:
在石頭圈住的指定範圍內，有12隻蛋，搵到一隻可以去禮物區自選一份禮物。

阿仔好努力咁搵，如果小朋友毫無頭緒，家長可以提示一下蛋的大約位置，講句"噫，呢到好似有啲嘢喎～"(所以埋個陣要自己做小記號就咁解喇)，讓小朋友搵到第一隻，就易有信心搵落去。

原來自己搵到一隻蛋係好開心㗎。見到彤咁興奮，值得值得。

搵下一隻搵下又一隻，信心直線上升。

終於仲爭兩隻未掘出來，媽媽提議佢哋不如休息下先， 點知兩個小朋友都話唔想放棄，一定要堅持掘,搵完晒先休息。(所以要數蛋,如果唔係會無了期地搵。)

專注、耐性、自信、毅力提升中。

最後媽媽都落手落腳幫手搵，邊搵邊怪自己剛才太重手,圈得範圍太大,無好好mark住埋蛋位置……但見到兩個小朋友咁堅持同努力，我哋都被感動到。

結果我搵到尾二個隻蛋，原來搵到個刻真係好開心㗎，遊戲大約玩咗一個鐘，之後享受成果(食佢換返來嘅零食)，抖完比佢兩個自由時間。

最後玩到救生員都要放工，我哋先走～

Text & Photos : h_h媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！