【升中】小學階段名列前茅升上中一學習大倒退媽媽：唔比人幫唔比人理好似仇人咁！

By Dara on 02 Mar 2024

Deputy Managing Editor

子女升上中學後，是一個很大的轉捩點，可能不再聽父母說話，可能跟不上進度，可能成績大倒退，令家長無奈。最近本地一名家長，指家中「中One雞」仍未適應中學生活，「自理學習」大倒退，卻不願父母幫忙，不知如何是好？

Photo from 《哪一天我們會飛》劇照

升上中一成績大倒退

事主在FB專頁「全港・升中一家長互助群組」分享，家中孩子在小學階段成績屬中上游，班上考頭一、二名。升中學時，順利進入現時Band 1B級的中學，變成「中One雞」後，孩子成績出現很大變化，由小學時的名列前茅，變成中學考「尾個幾個…….」，而且自理學習能力也大倒退。

不但成績欠佳，態度亦有很大問題，事主：「刻意唔拎Notes/ 書 /UT範圍（統一測驗，Uniform Test），想幫佢File 分門別類，佢所有學校嘅嘢都唔比掂，功課上學期只欠交三次，但功課質量老師當面直接形容佢好似文盲咁，但小學係拎三科主科學科獎。」

Photo from 《i.SWIM》劇照

留班也不害怕

令事主最無奈的是孩子無心向學，連留班也不害怕，「見埋校長都仲未知驚，學校都比埋留班/勸退Warning，態度依舊，仲話最多咪留班咯，因班上有一男一女都是留班生，佢覺得留班是自然不過嘅事。家長日老師表明Band 3學校都未必收……」

學業困擾亦大大影響親子關係，每逢事主問功課上的問題，孩子不懂時，便出現挑釁行為，「唔識仲好似我欠佢咁…….反我眼/抖大氣/掐緊拳頭/腳unun，仲話『你咪唔好理我咯，我係唔溫你無我辦法嫁！』」

Photo from 《教束》劇照

寧願返工開夜不想面對孩子

事主感到心好累，每日都為孩子學習態度而激心，「我想離家出走抖下氣，佢好似放棄自己到一個自暴自棄的境界。升中學搞成咁，唔比人幫、唔比人理，同佢關係可以好好，但一講到學習情況就好似仇人、敵人、我多事。」事主寧願留在公司工作，都不想返屋企面對孩子，因為投入工作可以暫時忘記孩子的問題。

Photo from 《反起跑線聯盟》劇照

分析成績、態度大轉變原因

不少網民熱心為事主分析孩子升上中學後成績不如人意的可能，原因不外乎以下數點：

1. 小五小六時家長老師不停強調升到 band 1中學前途就一片光明，喺小五小六不停咁衝，到中一小朋友同家長都衝到好攰想休息下。點知入到中學原來仲難/ 辛苦過小學，和期望太大落差，一旦追唔上連信心都冇埋；
2. 小五六時主要靠小聰明來讀書或咁啱有抽獎運，好彩咁入到間 band 1 中學。中學科目多又用英文教，單靠聰明和好運唔夠，成績自然一落千丈；
3. 小學時家長一直跟得好貼，升中突然放晒手，小朋友唔識點溫習；
4. 小朋友好憎間中學或老師，入面識唔到會讀書嘅朋友，搞到自己都冇心機學習。

Photo from 《降魔的2.0》劇照

估計英文追不上進度

亦有不少人認為可能是孩子英文程度差，中學大部份科目以英語授教，因而追不上。「小朋友英文程度好差？我係過來人，小學時年年考級3內，升上band 1英中後，因為科科英文太多生字睇唔明，由最初雄心壯志努力查字典，到查查下唔想再查，取放棄態度，成績近乎全級墊底，班主任在家長日同我媽咪講話我係垃圾。後來中四去咗band 5學校，之後慢慢開竅，成績級頭，最後成功考入大學，之後仲讀埋碩士。」並勸事主中一只是剛開始，不妨多陪孩子一齊看英文故事書、西片，幫他提升英文能力！

Photo from 《教束》劇照

先修補親子關係

帖文更引來老師留言，分享教學經驗：「我是中學老師，這個突然大倒退情況是很常見的。因為中學課程同小學課程是完全不同，佢哋心理冇準備。我同好多學生關係好好，好多學生都有同我講，同家人有類似情況，其實佢哋都想追返，但無從入手，同時佢哋都好怕面對父母，唯有落晒閘。可以試下唔好問識唔識，佢哋唔敢講唔識，（或者唔想）因為怕面對好多後果。可以試下問：『你覺得我有冇咩依家幫到你（我都係咁問學生）？搵咗補習，我聽講xx都幾好，不過唔知真唔真，會唔會都試下。』不過點都好，保持良好親子關係先最重要！中學其實最怕唔係成績，係學壞。其實好多人中四突然成績大躍進。」

更多網友指，子女踏入青春期，亦是反叛期，是人生必經階段，呼籲事主要對症下藥，修補親子關係，讓孩子重拾學習熱情和信心，才慢慢追回成績。「試試開誠佈公，平等檢討各自問題，無論點，一定要保持對佢尊重、信任。」、「我會建議暫時將學業放埋一邊，先修補好你同仔仔嘅關係，再慢慢同佢傾關於學業嘅問題」、「應該俾多啲空間佢自我調適，默默陪伴在旁，係佢需要你嘅時候先發聲！」。