【睇動畫】阿女愛睇腐女系動畫老豆推薦作品一齊睇點知睇完中晒伏搞到老豆有反常行為？

By Fanny Hung on 05 Mar 2023

Senior Editor

現在青少年的娛樂選擇繁多，譬如愛看動畫，就有不同串流平台可供選擇，而且題材多元化，譬如深受不少「腐女」歡迎的BL動畫（Boy's Love，男男戀），就長播長有。有女網民表示自己向來有睇開BL作品，某天老豆突然好有誠意推薦她睇一套作品，點知睇完中晒伏，都唔知好嬲定好笑。

Photo from 《反起跑線聯盟》劇照

老豆話阿女會啱睇

該名女網友表示，平時有睇開BL作品，老豆都知情，會尊重她的興趣甚至任何性取向，但老豆本身不會特別去睇，甚至有少少抗拒。某天老豆突然向她推薦一部熱血動畫給她，並講明「佢哋裏面好多BL，好啱妳睇㗎」，之後就播了一小片段給她看。點知樓主表示睇完「伏到爆炸」，說到「裏面運動又唔係認真咁樣喺度玩運動，又鍾意加插一啲好莫名其妙嘅劇情同埋人際關係」，譬如一些「非常夾硬」的多角戀情節。

Photo from 《大叔的愛》劇照

一睇發覺劇情好爛

樓主形容自己都喜歡睇狗血劇情，但「諗唔明」該套動畫除了狗血還有甚麼存在的意義，特別是畫面無特別靚、人設方面守舊、橋段老土等、運動做唔好、賣腐又夾硬。而到那一刻樓主終於知道，老豆是想拉她一齊中伏，然後抱住一半幸災樂禍、一半睇下阿女係咪真係啱睇的心情。不過阿女還是認為老豆好慘，因為他一睇就睇中了最爛、最有問題的一套BL動畫。

Photo from 《大叔的愛》劇照

另類父女相處方式

從此之後，老豆只要在串流平台看到有兩個男人企得埋或面對面，都會極力判斷是否BL劇，樓主說雖然得啖笑，因為老豆的判斷準確度幾低，但阿女感覺這樣的相處方式幾得意，亦希望老豆不要再中伏，仲話會推薦其他BL劇給他。

Photo from 《下流上車族》劇照

網：老豆願意了解喜好好幸福

網民對於樓主和老豆一齊看BL動畫有不同反應，「我好似知邊套，嗰套真係勁伏」、「齊齊中伏」、「如果樓主同老豆睇Ten Count（日本知名BL漫畫），睇完會非常震撼啊」，不過也有人說「老豆願意花時間了解你已經好幸福」，亦有人提到現在很少父母會接受到BL等產物，所以樓主幾幸福，更反問「求樓主推薦完BL劇比阿爸之後佢睇完嘅反應」。