【個個都餵人奶 唔通個個都係富媽媽咩？要解決無奶問題先要對症下藥】

放棄母乳，好多時理由只有一個

-無奶-

其實生完bb大多數產婦會以為自己無奶，因為維持奶量係一個好深既學問，你估人人都係富媽咩？我自己都唔係。

唔識得掌握餵哺母乳，呢個係鐵一般既事實，無餵過當然係唔識餵啦，我係一個例子:我維持咗22日就決定停奶，後來兩個月後我再追，追咗5個月全母乳。（想知點追請追返之前文章）

.

有好多因素令我無奶：

1.bb唔識埋身

2.唔識泵奶

3.無時間表俾自己

4.唔識飲上奶嘢

5.加上身心俱疲，根本唔想餵，漸漸你就會搵其他代替品-奶粉黎幫手

.

要解決無奶問題，先要對症下藥

1.其實bb埋身係維持奶量最重要既方法，身體會因為bb啜幾多就做幾多奶～

.

2.唔識泵奶係因為揀唔岩尺寸既喇叭，唔岩尺寸泵岀黎既奶量都會唔同

3.飲炒米茶外，仲要飲大量湯水同水嫁

.

4.其實產婦最重要休息，其他洗奶樽呀嗰啲留返俾屋企人做啦。如果唔休息心情唔好奶量係會跌，咁你又不停補奶粉，身體就會做少奶以為bb夠奶，咁你不停補就不停少，要餵奶就預咗要追奶。要追奶就要勤力泵奶/埋身，例如: 初生bb大概每兩小時食奶，bb訓左唔起身，咁你就要泵奶，因為身體會有記憶記得佢咩時間食奶你都會開始漏奶/谷奶，因為提你要餵奶啦。

.

人既身體係好奇妙，所以點解話母乳係最適合人類，母乳成份係為你bb而訂造營養及抗體，而唔係奶粉罐上面一式一樣既營養標籤。

以上係個人心得，就算係邊一種餵哺都係一種愛，盡最大既努力就已足夠(我也是奶粉長大下的)。

========================

Text & Photos : Cherry

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！