download MamiDaily 親子日常 app
【貸款】女大學生嫌屋企唔夠窮無法借full grant   網民鬧爆:祝你下世投胎做到窮人

【貸款】女大學生嫌屋企唔夠窮無法借full grant 網民鬧爆:祝你下世投胎做到窮人

mami熱話 親子新聞
By Dara on 27 Feb 2024
Deputy Managing Editor

香港生活富裕,不少新一代從未經歷捱窮的滋味,對「窮人」並無深入概念。一名本地女大學生,嫌自己屋企不夠窮,因而不能在「專上學生資助計劃」中獲得Full Grant,更說:「羨慕窮人免費讀大學」,被不少網民鬧爆。

女大學生屋企不夠窮,不能獲得full grantPhoto from 《香港愛情故事》 劇照

一畢業便孭住一身債

該名女大學生在討論區《Dcard》發帖,直言:「屋企唔夠窮,要借政府個貸款,意味住一畢業就孭住筆學債」。接着她指反而裏家夠窮的同學,因為獲得Full Grant,有政府供養讀書,畢業時又毋須向政府還錢。

她續指:「申請Scholarship嗰啲又係,好多都話有Financial needs優先,唔夠窮又冇份。到唔睇經濟狀況嘅(獎學金)我讀書又唔夠好,又冇我份。夾心階層真係好慘,話自己窮又一班人衝出嚟話佢哋仲窮,福利又冇我哋份,有錢人嗰種享受生活都冇我哋份。」

女生羨慕那些免費讀大學的同學Photo from 《那些年,我們一起追的女孩》劇照

家庭入息超標

女生與家人租樓居住,雖然家庭收入不穩定,但仍超過資產審查的界線,因而不能申請full grant。她又稱大家都是憑實力考入大學,很羨慕窮人可以免費讀書及獲得沙紙。在她心目中,認為不需太窮也能符合資產審查,「我個親戚住私樓,可以去下台灣旅行,屋企得一個人返工都可以免費讀,我估窮極有限?」

女生指自己一畢業,便背上一身學債Photo from MamiDaily

網民責想法片面

對於女生一番言論,網民十分反感,紛紛指:「咁都好羡慕,見到你咁講就知你未窮過」、「咁我祝你下世投胎做到窮人」、「都入到u啦諗嘢仲係咁片面」、「窮人屋企經歷過d 咩你知咩。同埋你自己讀好d 書就可以攞scholarship,攞唔到係你自己嘅問題,自己都無努力過就係度話咩羨慕窮人,真係唔知咩心態」。網民認為,即使取full grant的學生,雖然還有數千元生活/車費津貼,平心而論也不算太多,大部分人確實生活困難才會申請成功,學資處不是白白送錢給人使。

取full grant的網民分享,為了省錢,從不去旅行,也不會出外食飯Photo from 《上流寄生族》劇照

Full grant網民分享生活不易

帖文亦引出不少取full grant的網民分享,貧窮的生活並非事主想像般輕鬆,「一有時間就返工,生活唔係做assignment、project 就係返工,完全冇所謂既social」、「出街見朋友,你有冇試過為慳錢去譚仔買淨米線,仲為咗一蚊而嗌少米,另外從不買飲品」、「由細到大屋企都冇去過旅行,都唔會出街消費 eg食飯,日日都係食住家飯」、「我細個中學果陣每日食個飯得$20,想食炸蝦飯$25,我要一日唔食飯第二日先食到個炸蝦飯」、「我一星期返4日工,返3日學。返工一日返足10個鐘,全部拎曬嚟交學費比家用,想儲少少錢都難,食譚仔嗌少米唔要嘢飲。好馨香咩?」。

事主指見有朋友攞grant攞到去歐洲exchangePhoto from MamiDaily

 

另一方面,亦有少數人對事主的想法深有同感,「其實我一直唔明點解我啲朋友拎到全額資助,佢哋係有錢去旅行的,住都住得好過我,而我屋企都唔係好有錢都申請唔到全部,有時聽到我都有少少唔服氣」,事主則回覆:「我完全係你個case!識人攞grant攞到去歐洲exchange」。其他網民則回應:「其實Exchange有啲都可以申請 Grant/Scholarship架,去完寫份報告,做個present之類就得,你有冇嘗試過去問下或者了解下?」更有人直接答:「我就係攞full grant都去到歐洲exchange嘅人,因為屋企窮所以為咗去exchange要不停返工先有錢,基本上無娛樂社交可言,用盡方法申請曬可以申請嘅獎學金同資助,就算真係去到都會極擔心錢嘅問題,唔通窮人攞full grant就冇見識嘅機會?」網友的回覆,是想讓事主知道,取full grant的人其實不是她想像般輕鬆。

 

 

 

延伸閱讀:

延伸閱讀:

Text:Mami Editorial

Source:《Dcard》

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道