【不結婚】港女愛情長跑7年無信心結婚生子　男家威脅介紹「國內正貨」給男友

mami熱話

By ashly.eng on 02 Mar 2024

Digital Editor

愛情長跑的終點不是結婚生子，就是各奔東西？有港女在網上大呻，透露自己和男友愛情長跑7年，沒想到過年期間男友家人背地裡獻計脅迫自己點頭答應結婚生子，然而自己未做好生育準備，為此深感苦惱！不過網民卻因為一個情況反指她無建樹，要求其放生男友？

Photo from 《愛美麗狂想曲》劇照

事主未做好生育打算

30多歲的事主在連登討論區發帖，透露自己和男友拍拖快滿七年，目前和男友家人同住。拍拖多年，兩人自然需要面對結婚生子的問題，問題就在於男友喜歡小朋友，她卻未做好生兒育女的準備，畢竟養育孩子並非想像中簡單：

「男朋友鍾意小朋友，我就麻麻哋，責任大，又要供書教學，搶學位，仲要教識佢點喺社會生存，我自己都係人生剛剛起步，無咩信心教好佢，唔想佢天生天養，自生自滅。」

Photo from 《迷惘》劇照

親戚教唆男友威脅事主結婚

然而過年期間，事主卻無意聽見居住在內地的親戚和男友談論兩人結婚事宜，似乎不滿兩人交往多年仍未結婚生子，竟然教唆男友威逼利誘說服事主點頭，更打算以請她搬走作為威脅，「話如果我唔生仔就call埋的士請我走」。在長輩眼中，生育非難事，而且身邊親友也可以幫忙照顧嬰兒，甚是不解為何事主沒有生小孩的打算：「話生仔唔洗咁大壓力，船到橋頭自然直，天跌落嚟大把人幫我哋撐住⋯⋯」

Photo from 《BB來了》劇照

男友成雙面人？

最後，男友親戚甚至表示要介紹「國內正貨」給他認識，言下之意就是要求兩人分手。事主聞言大感失望，加上當天她才發現男友安撫自己的說辭和面對家人的說法全然相反，更是讓她感到迷惘，有感無法和男友繼續走下去，「今日先真正知道我男朋友的想法，平時他都是收收埋埋，佢家姐嚟到佢講咗好多嘢，但佢又同我講唔使理佢哋，我係同佢拍拖唔係同佢屋企人拍拖⋯⋯我開始有啲分唔清佢邊句真邊句假」。

Photo from 《只是在結婚申請書上蓋了章》劇照

網民批評事主拖累男友？

對於事主的困擾，網民似乎有不同見解，一部分網民認為事主已經三十出頭，理應有較完整的人生規劃，若是寄居男友家多年卻未有結婚打算，男友家人有怨言也情有可原：「佢哋心入面的意思應該係唔喜歡你寄居喺佢哋屋企，如果你同個仔係結婚生仔的話都有d建樹，佢哋可以忍你咁解」、「樓主的確無乜建樹，又住又拎，唔肯生仔，又拖住佢哋個仔，3x歲無貢獻，仲痴住佢哋間屋咁耐，租都蝕埋」。

不過也有網民認為事主不想生育並不是問題，問題就出在其男友想要結婚生子，人生觀念不合的下場多數會以分手收場，勸事主盡早分手，勿彼此拖累：「我覺得你唔想生唔係冇錯，錯係錯在你揀咗個唔啱你嘅男人，早走早著唔好晒時間，你都唔細」、「佢想生你唔想生，咁分手，大家人生目標唔同」、「對方真係好想生要小朋友，你就放生人，唔好阻住人，到時時間耐咗，你又唔生佢又想都係要分手」。