【BB去主題樂園初體驗 同你揭開樂園福袋有咩特別】

Jasmine小朋友就快15個月，終於第一次去香港迪士尼樂園 | Hong Kong Disneyland喇～

其實Mama我本來堅持佢識行先帶佢去架，不過最近Jasmine 契媽一家，喺加拿大返左黎香港，又即興地話去，所以我地都一齊去啦，順便可以做埋年票。

我地好晏先入到樂園，不過都剛好可以睇到迪士尼巡遊，Jasmine 好開心呀，仲一邊聽音樂一邊跳舞添！

全程Jasmine心情都好靚，不過去到米奇幻想曲3D劇場，唔知係咪因爲畫面太大，又嘈，又有水，噴出嚟，所以佢嚇親，喊左一陣，所以呢個唔建議細BB去啊！

離開樂園前，當然要去shopping 啦，講緊係我朋友唔係我呀，我竟然出奇地非常忍得手。
唔知係咪太耐冇去過迪士尼樂園，完全冇諗過迪士尼買嘢都有印花儲，依家到4月30號係換緊野餐墊啊，非常適合而家既天氣用呀～

另外無意中比我發現有福袋賣，只要店內買滿$350就可以加$200換購喎！咁我就問下店員會有咩啦，店員話你可以touch and feel，於是我摸完就買左喇，真係相當有驚喜，因為呢個福袋都總值$817 (我覺得淨係個袋+水壺已經值哂喇)

如果想入場既話，記得搵會員朋友帶呀，門票只需$419。如果想做年票又想抵d既話，記緊喺4月10號前做呀，會有85折優惠架。雖然話要買3張以上先有85折，不過去到做年卡嘅位置，會有好多人可以夾埋一齊做架。

＝＝＝＝＝＝＝＝＝＝＝＝

Text & Photos : Jasmine & Mama

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！