大男人超要面唔理太太感受　森美：男人唔係肯認錯就得，要知道自己錯咩！

日前，商台節目《早霸王》表白環節《你知道唔知道有人掛住你》，主持森美和小儀收到一位聽眾來電，希望可以搵佢地幫手挽救一段婚姻。

推卸責任、唔關心太太

聽眾叫「阿峰」，佢分享自己同太太結左婚幾年，但之後有左小朋友後，兩個人關係愈來愈疏離，之後仲分埋居。

阿峰表示，令兩公婆分開既原因係囡囡。因為每次同太太講野時，囡囡都會係中間阻住晒，又用手掩住他個嘴，有時又會喊。但實情係，阿峰自己唔關心太太，更唔願意聽太太講野，兩人根本無溝通，又唔理太太感受。

森美聽完，就指出阿峰既盲點，指佢將所有責任推卸到囡囡身上。一個男人搵這些藉口根本是多餘！

之後，阿峰先口口聲聲話認錯，承認自己係大男人，無關心太太及無在乎太太感受。然而，阿峰對自己既錯處依然唔係好明白。森美解釋比佢知：你認錯同你知道自己錯咩係兩回事，唔係肯認錯就得，你要知道自己錯咩先可以改到。」

最後，阿峰表示明白，會打比太太道歉，不過最終有無打比老婆，氹唔氹得掂，節目就冇再交代啦！