【親子睇波】世界盃逼近老公情緒高漲開電視教阿女睇波人妻頂唔順驚老公壞習慣會教壞個女？

By Fanny Hung on 17 Nov 2022

Senior Editor

四年一度的足球世界盃，終於排除萬難於11月20日在卡塔爾揭幕，這也是首次由中東國家舉辦這場足球盛事，部分賽事會在凌晨上演，變相如果要睇就要捱夜了。有人妻就為此煩惱不已，表示老公自己睇都算，仲會教埋阿女睇，但她最「頂唔順」是老公睇波時有一個壞習慣，隨時教壞小朋友。網友睇法兩極，有的說親子睇波是難忘回憶，也有人說的確會教壞小朋友。

Photo from MamiDaily

教阿女一同為愛隊打氣

該名人妻在網上討論區以「老公點可以教小朋友睇波㗎！」，表示老公一向有睇開足球，平時都是用自己手機睇，但最近不知道是否就快世界盃，於是改為用電視睇，並說「睇波都係睇大電視最好睇」。但人妻認為當中最大問題，是開電視睇波變相全家都要陪他睇，連帶小朋友都會一同夜瞓。此外，老公還會教小朋友睇波，跟他們說「邊隊打邊隊」、自己喜歡哪個球員等，還要阿女一同幫他替球員打氣，結果睇到阿女好興奮不停跳上跳下，不肯睡覺。

Photo from MamiDaily

嫌棄老公睇波會講粗口

不過最令人妻生氣的是老公睇波時有時會講粗口，令到阿女學到爸爸的「衰嘢」。人妻好矛盾，畢竟世界盃是四年一度，叫老公不要睇又不太好，但他睇還睇，為何要教埋阿女睇，於是忍不住向網友們大呻她的煩惱。

Photo from MamiDaily

網友反應大不同

網友的意見有支持也有反對，有的說「如果能夠一直陪伴爸爸睇波，當你女兒長大後，呢個就係佢同佢爸爸最珍貴嘅回憶，比去歐洲旅行、幼稚園、小學畢業等等都珍貴，係一生一世嘅感情」、「好好地睇波，畀你講到咁負面」。不過當中也有人提到「足球都係運動嚟嘅，不過搞到啲細路捱夜去陪佢老豆睇波又係over 咗好多」、「睇波係正常活動，無咩問題。不過講粗口就不應該」。有網友提到如聽到粗口，看看身為母親的版主怎樣向孩子解釋，亦不需要跟著去講和做。