【戴眼鏡】阿仔睇嘢矇豬眼原來想有近視跟同學戴眼鏡阿媽唔知點算好網友獻計兩全其美？

By Fanny Hung on 08 Nov 2022

Senior Editor

小朋友無論平日是上堂或日常消閒，對著電子屏幕的機會很多，如果控制不好使用時間和距離，隨時變成「四對眼」。成人自然知道戴眼鏡會帶來諸多不便，故長大後有能力便去做矯視，但小朋友卻可能覺得很有趣，尤其如身邊同學都需要戴眼鏡，便心思思想辦法令自己「戴埋一份」。有名港媽就有上述煩腦，面對小朋友好想戴眼鏡，應該點算好？

Photo from MamiDaily

阿仔矇豬眼為了戴眼鏡

該名港媽在網上討論區上發文，表示發現阿仔最近睇東西有少少「矇豬眼」，開始時以為他有近視，於是打算帶他去配眼鏡，以及不准他坐得太近看電視。但老公發現阿仔好像不是近視，而是不知道從那麼學到「矇豬眼」，為免「估估下」就打算帶阿仔去驗眼，怎料阿仔好興奮地對她說：「我係咪可以帶眼鏡啦？」

Photo from MamiDaily

老公希望「教育」兒子

問多兩句先知原來阿仔身邊有很多同學仔戴眼鏡，而朋友圈中只有他一個沒有戴。港媽也說老公以前也是帶戴鏡的，但後來眼睛做了激光才不用戴。當港媽向老公講出原因時，老公就跟阿仔說「而家戴左眼鏡就返唔到轉頭」、「而家羨慕人戴眼鏡，第時人哋都羨慕返你唔洗戴眼鏡」阿仔聽完似明又唔明﹐但港媽表示就算只能推遲他戴眼鏡的時間都好，最重要是現在不用再瞇起隻眼看東西。

Photo from MamiDaily

大個咗會後悔

多數網友看了港媽的發文後，都表示要阻止阿仔因想戴眼鏡而變成有近視，並言「大咗之後，就會後悔」、「一定要慢慢話佢知，要明白對眼有幾重要」、「我細個就係為咗戴眼鏡走去好近睇電視，大個咗之後後悔，洗錢去做咗激光先唔使戴眼鏡」、「好後悔戴眼鏡，真係好麻煩」、「以前有同學都係咁，為咗戴眼鏡，專登坐到好埋睇電視」。

Photo from MamiDaily

想辦法令他知難而退

也有網友認為應該將阿仔戴眼鏡的目的改變，譬如戴眼鏡不用是為了近視，可以買他喜歡的無度數鏡片連鏡架給他，而買之前也要打聽清楚，學校對眼鏡款式有沒有要求等。另外有網友提議，讓阿仔自己找找那些行業對視力有要求，或是沒有戴眼鏡會優先錄用；也帶他進出冷熱場所、講解做運動時戴眼鏡所帶來的不便等，總之找出戴眼鏡的壞處來打擊他的想法，令他知難而退。