【賺零用錢】中二生無零用錢 同阿媽協議做家務賺零用 有人卻反口：小朋友要咁多錢做咩？

究竟小朋友要多歲先有零用錢，又或者家長應否給他們零用錢，從來都是爭論不休。有家長會每星期給予小量金錢給子女自由使用，有的表明子女每次用錢可逐次拎。有名中二學生屬於後者，更曾和阿媽協議做家務賺零用，但結果好像不似預期。

Photo from MamiDaily

平時步行返學午飯回家食

該名中二學生在社交平台表示，平時返學不用搭車，學校和屋企很近，到午飯時可以回家食飯。不過他坦言有時候都想和同學食飯，阿媽都會畀錢，但每餐只會畀40元，而且事後都被要求出示收據，然後將餘額交出。

Photo from MamiDaily

應承做家務會有零用錢

版主表示自己都想有少少零用錢，哪怕一個月只有50元也好。他一年前已向阿媽提出要求，阿媽就說她朋友的女兒會幫手做家務，然後會獲得相應的零用錢。版主覺得無問題故答應了，不過他坦言，阿媽提出「要求」前，自己都是日日做家務，所以阿媽提出時他也覺得沒有問題。

Photo from MamiDaily

阿媽要求沒收額外收入

版主和阿媽達成協議後如常做家務，過了一段時間當問阿媽攞錢時，阿媽竟然說「小朋友要咁多錢做咩？唔畀！」版主不解阿媽反口，然後又認為既然阿媽唔畀便自己賺，於是近期自己養了一個帳號，賺了幾百蚊，由於未打算用所以放了在支付寶內，然後被阿媽發現了，並要求版主把所有錢給她，令人不解。

Photo from MamiDaily

趕出家門作要脅

版主一開始說「唔畀」，然後就被阿媽趕出家門，最後唯有死死地給她。這令版主非常不明白，到底是不是他有問題？並說「我都想要少少零用錢，我都想好似其他朋友咁買自己中意嘅嘢」。

網友們看了帖文均議論紛紛，有人說身同感受，也有人問無零用錢有何問題？有過來人分享到長大一點便去做兼職，但會好辛苦，不過千萬不要被阿媽知道會賺錢。另外有人說不是有沒有畀零用錢的問題，而是阿媽不守信用；也有人擔心阿媽的行為或導致細路將來用不法行為賺錢。

Photo from MamiDaily

延伸閱讀：

【教養貼士】新手父母最驚小朋友扭計「躺平」？ 　5大應對方法 首要任務非氹小朋友情緒？

延伸閱讀：

【家庭關係】離婚後14歲愛女體重飆升破200磅 母憂心情緒病 就醫驚悉可怕真相

Text：Mami Editorial

Source：school.secrets