【子女教養】囝囝擅自偷玩婚紗店美甲鑽石 單親媽一招身教獲讚 做錯就要負責！
小朋友生性活潑好動，家長與孩子外出時，最怕他們到處闖禍。不過，當子女犯錯時，父母應該維護，還是讓他負責任？近日一名單親媽媽帶同兒子義租婚紗，期間兒子竟把店家的美甲彩色鑽石粒和閃粉撈亂，而媽媽當時的處理令店家大為讚嘆，事後更於網上發文分享當日的來龍去脈。
Photo from Mamidaily
單親媽義租婚紗
日前，婚紗店《慧子婚紗 Mrs. Tse Bridal》於社交平台發文分享一則工作趣事，指曾有單親媽媽來義租婚紗，打算與兒子影二人全家幅。媽媽試身前已安排兒子坐美甲枱，並警告他乖乖坐下玩電話。「警告你唔好又搞人啲嘢！」怎料媽媽在試身期間，突然聽到一句經典的電影台詞。「呢啲唔係紅豆！係我新發明嘅暗器霹靂雷珠」，聞言小朋友更大笑：「哈哈哈哈，霹靂雷珠！」
Photo from 翻攝自《慧子婚紗 Mrs. Tse Bridal》
扮成「霹靂雷珠」
媽媽聽到當下深感不妙，怎料從試身室出來一看，就發現兒子將美甲的鑽石貼在面上扮成《唐伯虎點秋香》的暗器「霹靂雷珠」，擅自弄亂了按顏色分類的鑽石，更將顏色染料染於白色美甲枱上。店主見到這幕後心想，「我最害怕嘅畫面出現，白色美甲枱有顏色染上，仲有彩色鑽石撈亂晒」。
Photo from 劇照《唐伯虎點秋香》
要求兒子賠錢
然而，媽媽並沒有姑息兒子的錯事，大力打了小朋友屁股一下，再以濕紙巾清潔，期間也一直道歉。她要求兒子賠錢或還原場地。原來進入婚紗店前，兒子已在其他商店打爛了產品，他一邊記掛其傑作「霹靂雷珠」，一邊哭訴表示：「我頭先喺AEON度已經賠咗，冇錢啦！」唯有乖乖地分返好鑽石。
Photo from VIU劇照
做錯事要負責
而媽媽亦向店家致上深切的歉意，尷尬苦笑地解釋：「真係唔好意思阻妳，但錯就要負責！佢頭先去$12店又係打爛人啲嘢，激死！我唔會縱㗎，做錯事一定要負責，整爛嘢就賠錢啦！」最終兒子花了2小時，將美甲鑽石重新按顏色分類，又逐粒清潔乾淨。
Photo from 劇照《極速緋聞》
欣賞媽媽教導有方
店主事後發文大讚該名媽媽的子女教養，欣賞她教導子女勇於承擔，而不是用「他只是個孩子」來做藉口，「要全世界圍住自己小朋友轉，即使自己小朋友有錯在先，都覺得係人哋嘅錯、社會嘅錯。」不少網民亦同意媽媽的處事方式，「如果我係個媽媽，我都寧願要佢分番而唔係用錢去解決，其實你亦幫緊個媽媽教仔。不過出面做生意邊咁好心機肯花時間陪人教仔吖」、「希望小朋友慢慢學識唔好亂搞人哋啲嘢」
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
