【同小朋友去日本唔一定要去東京 日本大阪6日5夜多個親子景點逐個數】

日本係一個family care既國家，周圍有好多景點同設施都適合有小朋友嘅家庭，即使雙職爸媽帶住未識性既鯨魚家姐‧蝦子細佬去大阪旅行️，都絕對唔使擔心，同大家分享下較早之前既大阪6日5夜親子之旅啦！

Day 1: 下午抵步大阪關西機場 -＞難波酒店check in-＞  大阪海游館-＞ 摩天輪-＞  心齋橋-＞  龍蝦包

下午4時半到達大阪海游館，人流少，唔使排隊買門票

館內人流亦少，推著BB車參觀都相當輕鬆

大概兩小時就行畢整個海遊館，夜晚嘅海游館都好靚哦!

行完海游館就去坐摩天輪，從高空飽覽海游館一帶景色

然後坐地下鐵去心齋橋掃下街

嘆左個好好味嘅龍蝦包啊, Yummy!! 然後行返去位於難波嘅酒店~~

一早起身係難波掃下街食早餐，然後就出發第二日嘅行程~~

Day 2: 大阪城-＞ 天王寺動物園-＞天王寺公園-＞ 天王寺Harukas 300睇夜景

大阪城係日本3大城之一，同熊本城一樣咁靚! 行到攰又坐低食下雪糕~~

參觀完大阪城，就坐地鐵去天王寺駅，行下百貨店食水蜜桃~~

食飽飽就行去天王寺動物園同旁邊嘅草地公園玩下~~

之後行返去天王寺駅上嘅Harukas 300睇夜景

係天王寺駅食埋晚餐，買D生果就返歸了!

Day 3: 黑門市場-＞奈良公園餵鹿-＞五重塔-＞東大寺-＞春日大社-＞難波食街晚飯

一早起身去黑門市場掃街食早餐

行完黑門市場就搭地鐵轉JR去奈良，第一站一定係奈良公園，比兩位小朋友去餵鹿鹿啦! 到而家，鯨魚家姐仲成日都話要帶好朋友去餵鹿, 真係印象深刻!

之後沿著奈良公園，去到五重塔呢個景點

順路去埋東大寺，兩位小朋友穿過寺內老樹幹祈求安康!

參觀完東大寺就去返奈良公園附近食午餐，最後行埋春日大社就完成了奈良嘅行程!

然後搭車返去難波食街搵食，食左必試嘅海鮮三色丼，超好味! 再係附近行下藥庄就返酒店了!

Day 4: 姬路城-＞ 姬路城動物園-＞ 神戶-＞麵包超人博物館-＞摩天輪-＞ UMIE廣場-＞海旁夜景-＞ 放題晚餐

第4日第一站就來到姬路城，基於之前鯨魚家姐蝦子細佬對於大阪城興趣不大，所以只得爸爸自己一個行姬路城，而媽媽就帶住兩位小朋友去旁邊嘅動物園暨遊樂場玩!

入到去動物園，兩位小朋友沒有太興奮，可能早兩日已經去過天王寺動物園。反而，兩位一見到機動遊戲設施就好興奮了，當日亦只有我倆小朋友玩，好似包晒全場咁，每一個遊戲收費都平，100至150YEN可以3至5分鐘，離遠仲見到姫路城，一邊玩一邊享受美景! 媽媽都想玩埋一份啊!

玩完姬路城食埋拉麵就搭JR去神戶了，小朋友必去麵包超人博物館啦，裡面除左玩，仲有得SHOPPING, 整麵包剪頭髮!!

我地傖促行完街，就去左遊樂場玩，之後坐埋麵包超人小火車，仲玩埋摩天輪，欣賞神戶港嘅黃昏景色!

之後歎埋夜景就去umie&mosaic廣場行街食晚飯

跟住係fisherman's market食放題晚餐，食飽就散步返去JR駅，再回程返難波~~

Day 5: 難波金龍拉麵早餐-＞京都-＞八坂神社-＞法觀寺-＞二年坂/三年坂-＞清水寺-＞梅田大丸百貨shopping & 晚餐

第5日一起第就落街食早餐，揀左呢間朋友推介嘅金龍食拉麵，性價比又真係高喎!

跟住我地又去搭JR，話咁快就到京都，轉一程巴士就到達八阪神社

繼續沿路步行去其他景點，穿過橫街小巷又試下小食，日本美食見到都流晒口水，平凡如燒年糕丸子都超好味!

之後又搵左間餐廳望住呢個法觀寺食lunch, 繼續享受靚景美食!

之後步行去二年坂/三年坂，條街真係好有特式，後花園都靚過人

行完二年坂/三年坂就望到清水寺，可惜我地去參觀嘅時候，清水寺就做緊維修，睇唔到最靚嘅景色

之後返去二年坂/三年坂再補下手信，歎返個必食嘅宇治茶甜品啦，食過返唔到轉頭!!

玩左京都大半日，我地就搭車返去梅田，大丸百貨裡有男孩最愛嘅tomica，一家人齊齊shopping後食埋呢個定食晚餐就完滿了!!

Day 6: 難波食街早餐-＞JR去關西機場-＞香港

最後，我地係難波買個燒小丸子同大阪燒後做早餐後，就搭車去機場準備返香港了，再係機場補返手信就結束是次6日夜大阪之旅了! 大人同小朋友玩得盡興，大家都有個難忘回憶！

Text & Photos : 鯨魚家姐‧蝦子細佬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！