【煩人家事】阿媽家務越做越「求其」老豆話要減家用發現阿媽變懶真相阿仔擔心1件事

By Fanny Hung on 18 Oct 2023

Senior Editor

天氣漸涼，大家是否感受到一點秋意？有人說天氣變涼，人也變得漸懶，想躺在家中的梳化不想幹活。如果這名想偷懶的人是自己媽媽，身為仔女應該如何是好？有網友就「投訴」自己媽媽最近躲懶了，大家齊來看理由是否成立？

Photo from MamiDaily

拖完地地下仍有很多塵

該名網友在網上討論區上發文，表示有日阿爸話阿媽最近做家務越來越「求其」，譬如拖完地仍有好多塵和頭髮在地下、連續兩晚煮飯都是煮一樣餸。問到原因，阿媽竟然話「秋天個人好懶唔想郁唔想諗嘢」，於是每天買餸買多少少，第二天食回同一味。又說現在有空氣污染，拖地拖極都有塵好合理，至於有頭髮就自然會甩頭髮，出現在地下也不出奇。

Photo from MamiDaily

擔心自己要幫手做家務

阿爸對於阿媽合理化偷懶表示不解，生氣表示再偷懶就減家用。不過版主忽然心水清，如果阿爸真的減家用，就可能不止一味餸食兩日。版主又擔心如果阿媽入秋時已經那麼懶，到冬天的時候「睇嚟都係要我幫手做家務」。

Photo from MamiDaily

阿爸認為家務應該女人做

雖然不知道版主是關心自己家庭變得不和諧，還是自己不想做家務而有感而發，但多數網友都說懶是不分季節，另有人指出春天濕氣重人會更懶。不過更多人是支持阿媽，認為阿媽辛苦了那麼多年，謂「你哋兩父子分擔吓唔得咩？」、「睇唔過眼就自己搞咗佢」、「屋企人人有份，畀錢大晒嗎？支持媽媽」，版主都有回應，說「阿爸係大男人覺得家務應該係女人做」。

Photo from MamiDaily

家庭非只有一個人付出

另有人反建議，說不如叫版主阿爸每日寫低想食甚麼，並揚言「佢寫一個月後唔重覆，我話佢勁」，並說叫版主去街市走一轉，會發現很多時會「買唔落手」，以及不知道應該買甚麼。如果版主是「乖仔」，有網友說不如試下幫阿媽，畢竟家庭並不是只有一個人的付出，再者阿媽也不是佣人，亦有人講笑說其實阿媽是暗示想加家用。不過既然版主有時間在網上討論區發文，嘗試了解阿媽心態或幫手分擔家務，應該也是能力範圍內可以做到的事。