download MamiDaily 親子日常 app
【親子娛樂】網民轟成日去迪士尼的父母唔識教仔女 藝人父母躺著也中槍 評論掀罵戰

【親子娛樂】網民轟成日去迪士尼的父母唔識教仔女 藝人父母躺著也中槍 評論掀罵戰

mami熱話
By ashly.eng on 22 Sep 2022
Digital Editor

迪士尼樂園向來是散播歡樂的地方,在世界各地都備受大人及小朋友喜愛,更是成為許多家庭假日必到的消遣勝地。不過就有網民批評現代父母不會教育孩子,只會帶小朋友去迪士尼樂園進行沒有營養的活動,還有人指名某些藝人家長助長此風氣,引起廣泛討論!

網民狠批父母經常帶小朋友去迪士尼樂園是無營養的活動Photo from MamiDaily

去迪士尼樂園=不會教育子女?

日前版主在連登討論區以「得罪講句,唔識教仔女的父母,先會成日帶小朋友去迪士尼樂園」發帖,表示不解為何父母可頻密帶小朋友到迪士尼樂園玩,「一個星期差唔多去足7日,就好像落公園玩禁casual 」,即使對方回應說「有小朋友就會明點解」,但版主非但不認同,還批評這是「無營養」的活動,是父母「完全唔識教仔的行為」。

謝安琪和張繼聰一家是迪士尼樂園常客。Photo from 張繼聰 Louis Cheung@FB

謝安琪囡囡Kakaball公主扮相。Photo from 張繼聰 Louis Cheung@FB

陳茵薇不時帶3子女同遊。Photo from aimeechan_official@IG

他續批評現代父母普遍無學識、無文化,反而培養小朋友淪為消費工具,「港女港男本身拍拖就是消費再消費,所以同仔女出街,一樣都是消費再消費,完全浪費時間」。在版主看來,父母的責任應該是培養小朋友建立興趣愛好,或是親近大自然,「例如去海洋公園睇魚魚,去認識大自然都好過去迪士尼(樂園)」、「甚至去學煮飯仔、書法呢類親子活動」。

王祖藍一家日常中經常有米奇身影。Photo from wong_cho_lam@IG

藝人父母躺著中槍

版主的貼文不禁讓網民聯想到經常曬出和子女同遊迪士尼樂園的藝人父母,比如謝安琪及張繼聰一家、王祖藍、陳茵媺、林芊妤、孫慧雪等都躺著中槍,引來網民留言轟:「細細個培養佢哋扮公主,咪養成公主病囉」、「同意樓主,現代父母無學識個句」、「啱,我寧願同啲女去海狗公園睇企鵝睇水母,都唔會去果邊睇啲人扮嘅虛構角式」、「迪士尼,我個女話嘥錢、無聊,掙扎做下正經嘢,俾佢教番轉頭」、「true到⋯⋯根本係啲家長懶到出汁,冇諗過仔女嘅年齡啱咩娛樂,冇諗過仔女鍾意啲咩」、「我反而認同樓主迪士尼只係純娛樂用途,去到啲表演設施差唔多次次一樣」。

周家蔚與兩名兒子亦是常客。Photo from janetchowkawai@IG

孫慧雪常陪兒子去玩。Photo from snow711@IG

 

網民不認同:「係你唔識教」

不過有網民認為只要家長會引導,迪士尼樂園也是學社交、學溝通、學興趣的地方:「迪士尼先係同人最多互動嘅公園,搭架船由上船同你互動到落船,又有得問人攞貼紙又教畫畫」、「其實睇迪士尼啲劇場都某程度上有啲教化意義,迪士尼所有電影童話又或者人物角色設定都係宣揚緊西方價值觀。例如歌頌友誼、做人要誠實善良、要樂於助人、勇於冒險,點會係無意義」、「你唔識得點樣引導/教育小朋友,從遊戲中學習,係你失敗咋喎」。

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道