母乳係最好但滴滴皆辛苦 男人又知唔知母乳媽有幾辛酸？

許多醫生甚至政府都宣導「母乳是最好的」！這一點當然不能否認，不過對餵母乳嘅媽媽嚟講，真係「滴滴皆辛苦」！要餵飽BB，究竟要付出幾多，身心嘅負擔有幾重，真係不足為外人道！

1）冇覺好瞓

初生BB食奶量不穩定，每次都係食少少，所以媽媽自然都要密密餵，如果BB未戒夜奶，想瞓一覺好嘅，其實都幾奢侈！

2）「吃奶之力」的傷痛

乳房最敏感的就是乳頭，如果餵奶姿勢不正確，BB食唔到，就會越啜越大力，媽媽唔止痛，損傷、流血都係常見之事！

3）谷奶慘過生仔

唔催奶又怕BB冇飯開，飲埋食埋大量催奶嘅湯水同補品，點知補到乳腺堵塞，谷奶谷到變咗石頭胸，仲要痛到喊！嚴重到乳腺發炎，兼發埋高燒，為咗BB有得食，就連藥都唔敢食！

4）胸部變形

邊個女人唔貪靚，不過胸部逐漸「縮細」，甚至下垂，似乎係哺乳難以避免嘅事，但係為咗BB得到最好嘅，媽媽犧牲都係在所難免！

5）承受許多不友善目光

BB唔餓得，唔等得，媽媽喺公眾場合餵奶，有時真係慘過遊街，用餵奶巾，又可能招來歧視目光，又唔係度度都有哺乳室，有時要匿埋入廁所餵，真係委屈又難頂！
爸爸們，盡量給予媽媽多一點支持，等媽媽可以在苦中感受一點甜！

Text: Mami Editorial

Photo Source:Bob Lam林盛斌專頁、Presslogic