【生兩胎的煩惱】吳日言細仔出世後 自覺分薄對大女的愛 求教如何平衡兩胎不偏心
有人認為，弟妹是給孩子最好的禮物，希望生二胎陪伴大寶，以後有手足可以互相支持。不過多了一個孩子後，父母又要面對其他問題，例如愛和資源的分配、孩子爭寵等。藝人吳日言在月前生下細仔後，亦有這種煩惱，問網友：「有冇人可以教吓我點做？」
Photo from yan512@FB
Photo from yan512@FB
兒子出世，湊成「好」字
現年38歲的藝人吳日言（Yan），2016年時與拍拖17年的男友Barry於日本沖繩註冊結婚，兩年後誕下大女Beatrice（Bea），今年6月尾宣布已添丁湊成「好」字，留言：「Zayden誕生了！」
Yan不時在社交平台分享與女兒的互動，亦十分重視女兒的心理教育，例如細仔出院當日，特別代弟弟送禮物給家姐，讓只有3歲的Bea接受這位新的家庭成員。即使忙着照顧新生兒時，媽媽亦親自教導囡囡功課，不會忽略女兒的感受。經過Yan的多番努力，大女現時很愛惜弟弟。
Photo from yan512@FB
想控制女兒行為，又要顧及感受
但作為兩孩媽媽，Yan難免多了憂慮和煩惱，上月她曾經問：「照顧初生小朋友已經變得熟手，唯一困難嘅係要照顧家姐，要令佢知道細佬嚟到呢個家庭，唔會影響到佢嘅地位。Bea始終係一個三歲小朋友，成日會喺細佬側邊跳來跳去，係有一定嘅危險性，但係又唔可以直接鬧佢，否則佢會唔開心，甚至會匿埋係間房到喊！有時候真係好難拿捏自己嘅態度，想控制佢嘅行為之餘，同時又要顧佢感受，到底點可以喺兩者取得平衡?」
網友指：「叫家姐做小助手。 比家姐知道原來自己好重要，係媽咪好幫手。 佢做咗就要多多表揚家姐。 因為你多左時間放喺弟弟身上，唔好比佢感覺佢被忽略。」
Photo from yan512@FB
Photo from yan512@FB
自覺分薄孩子的愛
日前，Yan再次發帖，同樣為二胎問題尋求援手，她說：「當BEA出世之後，我真係好愛好愛佢，全心全意將100分嘅愛俾晒佢！自從細佬加入，唔多唔少都會分咗一D愛俾細佬，我覺得好對唔住Bea，真係好難平衡對佢哋兩個嘅愛，有冇人可以教吓我點做？」
不少網友樂於回應：「你比小朋友的愛係雙倍double 咗，並唔係少咗」、「你所謂嘅分薄咗，到細佬大個少少之後，會慢慢替你補上俾家姐，你已經將呢個世界最珍貴嘅禮物送俾家姐了，所以完全唔使擔心」。
Photo from yan512@FB
網友：多點提自己公平
不少有經驗的媽媽教路，二寶出世後，大寶真的會呷醋，需要父母慢慢調節，把時間好好分配。「妳可以趁Bea返學，陪吓細佬，到Bea放學，又可以陪Bea， 慢慢妳就會拿捏到啲時間架喇」、「如果老公在家，讓他照顧弟弟而你專心陪姐姐。如果要親餵弟弟或擠奶就讓姐姐陪在你身邊聊天或一起和讀繪本什麼的」。
Yan再留言，指：「個個都話我會鍾意個仔多啲，我係咪真係會變心？」網友回答：「多d提醒自己要公平，家姐都需要妳同埋好多時兩姐弟關係好唔好，都會跟父母有冇偏心有關，所以盡量要balance下」。
Text：Mami Editorial
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
