【加零用】中二兒要求暑假加零用坦白為做1件事 港媽躊躇應否答應

【加零用】中二兒要求暑假加零用坦白為做1件事 港媽躊躇應否答應

By Louisa on 10 Aug 2022
Digital Editor

子女踏入青春期情竇初開,難免會對異性產生興趣,作為家長或會既擔心又緊張。日前有名港媽便指就讀中二的兒子要求暑假期間增加零用錢的金額,更坦白是因為想「追女仔」,令港媽聽後躊躇應否答應,逐問網民意見。

有港媽指中二兒子突要求暑假加零用。Photo from 試當真《三月的嵐》

中二兒要求加零用

該名港媽日前在Facebook專頁「家長Secrets」投稿,指日前就讀中二的兒子主動表示,打算在暑假時邀約鄰班女同學去睇戲,故希望媽媽能增加暑假期間零用錢的金額。港媽並沒有交代最終有沒有答應兒子的要求,不過她向一眾父母網民問道:「​​你會唔會支持個仔追女仔?」

網民普遍支持拍拖

帖文一出即引起網民討論,有不少網民都留言表示欣賞兒子的坦白,「支持,而家啲小朋友肯同家長講已經好好」、「如果佢咁大方同我講,我就讚賞佢分享後,特例支一次額外零用比佢,然後同佢講之後果D,佢自己諗辦法搞掂」、「支持,不過要幫手做家務賺零用錢,因為錢係父母賺嘅,同埋唔影響學業成績下100%支持,如果追女仔追到成續進步左,有獎勵」、「有本事追女仔應該自己儲錢追,點解要父母承擔費用⋯如果係我,個仔成績理想可以畀多少少零用錢作獎勵,佢想用嚟請女仔飲飲食食由得佢,但唔會佢開口要溝女就畀多啲」。

港媽不知應否答應,皆因若加零用等同支持兒子拍拖。Photo from TVB《親親你好媽》

求學時期不應支付女方支出

也有人認為求學時期,出街費用不應由其中一方畀晒,「求學時期,大家睇戲食飯應該AA制,唔應該由某一方(嘅父母)俾晒~攞零用錢去拍拖係可以,攞多啲錢去請埋人哋或者送啲好貴嘅禮物就唔係咁好~」、「點解約個女仔睇戲要請先肯睇?了解階段大家可以先AA」、「記住提醒佢追女仔可以,但唔可以亂洗錢請客、送禮物」。

廣告
廣告

借事件教育兒子

有人認為這是一個很好的教育機會,「要教佢溝還溝唔好搞上床,就算上床都要帶套」、「與其煩惱支唔支持佢拍拖,倒不如你趁早灌輸正確嘅性觀念畀佢好過,同埋話畀佢聽男仔同女仔共處一室,男仔實有損失!」、「追還追,借機教佢性教育同埋明確表明作為媽媽條底線喺邊度」。

不少網民都認為家長應支持子女拍拖,皆因這是很正常的成長必經階段。Photo from 試當真《三月的嵐》

有個別反對聲音

不過不少網民覺得兒子願意跟媽媽坦白已經很好,「佢同你講代表佢好信任你」、「中二會同媽媽講想追女仔,證明你哋關係應該幾好」、「我都想我同仔同我分享呢啲嘢」、「你唔俾佢,佢都會照去。佢同你講起碼都尊重你」、「佢咁信任你,去睇戲姐唔洗攔阻嘅,而且咁嘅年紀越管越反抗,最好一邊支持一邊教」。也有個別反對聲音,「最驚佢拍拖,千祈唔好!我唔想14歲的爸爸媽媽,我寧願個仔做運動型男孩好過花時間追女仔,佢基本上無時間可以去追,補習、樂器、運動,全部夠佢慢慢玩」。

不過也有少部份家長堅拒讓子女求學時拍拖。Photo from TVB《親親你好媽》

Text:Mami Editorial
Source:家長Secrets

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道