【盂蘭節】農曆七月因連串誤會激嬲四大長老 燒街衣令人妻變磨心點做都死

【盂蘭節】農曆七月因連串誤會激嬲四大長老 燒街衣令人妻變磨心點做都死

家庭關係
By Louisa on 07 Aug 2022
Digital Editor

農曆七月十四將至,街頭巷尾都開始有人按照傳統「燒街衣」,不過未必人人都喜歡依從這些傳統。一名人妻便因為燒街衣一事而激嬲四大長老,不幸成為兩家長輩的磨心,令她非常苦惱。

人妻因為燒街衣一事而感到相當煩惱。Photo from TVB《寶寶大過天》

人妻因燒街衣而感煩惱

該名人妻日前在「香港討論區」發文,她稱娘家信基督教,夫家老爺奶奶則較為傳統,而自己和老公都沒有信仰。適逢農曆七月盂蘭節,奶奶提醒他們不要出夜街並要燒街衣,可是事主稱自己和老公其實都不想依從,皆因「聽講最好燒咗一次之後每年都要燒」。

事件令兩家人的關係惡化。Photo from TVB《寶寶大過天》

媽媽為女兒強出頭

後來老公跟事主的哥哥談起此事,便引起「火燒連環船」,事情一發不可收拾。由於事主的哥哥得知此事後便轉告媽媽,「搞到媽咪打電話嚟問我有冇跟奶奶去燒街衣」,又為事主兩夫婦強出頭,「媽咪打電話比奶奶叫佢唔好再拎呢啲宗教嘢嚟煩我哋」。後來火苗越燒越旺,奶奶反責備事主「唔想去燒街衣咪直接講囉,點解要搵自己個媽咪出面…」

人妻直言現在兩面不是人,怎何做都會得失其中一方。Photo from TVB《寶寶大過天》

不想得失任何一方

廣告
廣告

事主聞言感到委屈,因為實情是「你個仔搵我媽咪嚟過橋,關我咩事姐」。她解釋之所以沒有拒絕奶奶燒街衣的要求,是因為「唔想兜口兜面拒絕唔想奶奶唔開心」,同時亦「唔想因為呢啲宗教問題而煩我屋企人,所以兩邊都拖字訣…」。

變成兩家磨心

事主一直逃避處理終令事情「爆煲」,兩家關係變差之餘,自己和老公都變成磨心。事主大呻「呢啲傳統野真係好麻煩,唔係儀式麻煩係啲人好麻煩呀!」她又指目前狀況兩面不是人,「唔去燒街衣又得罪奶奶,去咗又得罪自己媽咪!」

有網民建議事主「好女兩頭瞞」,不用跟長輩說真話。Photo from TVB《寶寶大過天》

網民:好女兩頭瞞

不少網民看過帖文後都給出意見,有人認為應該「好女兩頭瞞」,「我係你就無去扮去咗,或者去咗都唔好講畀你阿媽聽」、「對住長輩其實都係呃呃氹氹,唔駛真係聽晒佢哋話」。也有人認為應隨自己心意而行,「你兩個結咗婚成年人,仲要聽四大長老枝笛?你自己揀左,然後咪按自己心意去做囉~唔想去燒衣咪唔去。一開始梗有人唔LIKE,但你明確表達咗立場,以後咪唔駛再煩囉」。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道