周汶錡湊仔辛苦在家似癲婆！笑兩個仔「臉盲症」有鬚認老竇！

43歲周汶錡（Kathy）與法藉丈夫Julien Lepeu婚後育有兩個兒子Jacques（2歲）及Avner（1歲）。自生了兩胎後，周汶錡表示對於懷孕前後的知識都相當有經驗，可以傳授生B秘訣給想要小朋友的樂基兒。

周汶錡：懷孕不是最艱難 湊B過程才是最艱難

周汶錡表示現階段照顧兩位兒子都有點吃力，她指：「細仔開始企、想行，大仔則屬活躍型小朋友，而且正直Trouble Two階段，係好多特別嘢發生嘅年紀，係幾吃力嘅。」

外表斯文、優雅的模特兒周汶錡亦不禁直認：「日日係屋企好似個瘋婦、癲婆，好似個癲咗嘅阿媽咁大嗌『唔好啊！唔好啊！』，覺得好攰，暫時未諗住再生。」

周汶錡指細仔剛剛滿一歲，表示相比起大仔，生細仔後，因有經驗的緣故，開始慢慢懂得怎樣跟細仔玩、怎樣照顧、將很多心思花在細仔上，大仔亦會開始呷醋。

每當大仔看到媽媽跟弟弟玩，馬上要求媽媽抱抱，撒嬌的情況都算嚴重。只能放低細仔，先抱抱大仔安撫，然後再抱細仔玩，分散他們的注意力會好一點。

兩個仔黐爸爸 一見到有鬍鬚的男人就嗌爸爸

周汶錡表示：「其實佢哋黐爸爸，我兩個仔唔知點解一見到有鬍鬚的男仔就好似老竇咁，尤其是外國人，佢哋就行過去抱住佢。我同佢哋講：『其實唔係爹哋嚟～』可能屋企太多女人，得一個男人，同埋佢哋同爹哋好Close。」

Text: Mami Editorial

Photo Source: 周汶錡@Instagram