【生兒育女】媽媽見人抱孫竟叫單身女做1事 港女嬲爆：有仔一定要趁嫩生？
Photo from TVB《愛回家》
港女未夠30歲被媽媽催雪卵
該名港女在《香港討論區》發文，稱自己28歲目前單身，她指最近有親戚向其媽媽「發功」，問「要唔要帶我趁未到3字頭去凍卵先？」待將來結婚想生小朋友可以取出來用，便不用擔心年紀漸長影響卵子質素，也不需擔心難有BB。
Photo from TVB《BB來了》
媽媽心急抱孫
後來事主發現原來她那幾個姨媽早在1年多前已開始向她媽媽提及此事，只是當時媽媽認為女兒仍後生，覺得「唔使驚啦」便沒有理會。後來姨媽們陸續開始抱孫，媽媽便萌生出人有我有的心態，也渴望「有個孫畀佢玩吓」。惟事主至今已單身3年多，於是媽媽便開始擔心，逐再問她會不會考慮雪卵。
不想為拍拖而拍拖
事主感受到媽媽的催促後，即嬲爆反駁：「單身女仔唔結婚唔生小朋友有咩問題？做咩呀？睇死我冇人要？」她自覺不是「冇人要」，而是不想為拍拖而拍拖。再者她認為「我拍拖都可以唔結婚，只要對方對我好仲唔夠咩？」對於生育問題，她反問難道真的要「有仔趁嫩生？」，又覺得「對我嚟講唔生小朋友都冇所謂，就算去領養都得」。
Photo from MamiDaily
雪卵過程並不容易
網民看過帖文後，幾乎一面倒認為事主無必要去雪卵，有過來人留言「除非你好有錢，雪卵唔係打兩隻字咁簡單，要打十幾日針，仲要係自己係屋企打。抽卵都唔係好過癮，然後雪卵當然要俾錢，萬萬聲逐年計」，與其這樣不如「的起心肝快D搵個好男人結婚，早D生仔好過啦~有仔真係趁嫩生，除非你唔想生」。
Photo from MamiDaily
應忠於自己想法
亦有人認為事主年紀尚輕，「話唔定好快拍拖結婚呢，28仲好年輕啫，最緊要keep得好」、「有錢人先會諗到嘅方法，有錢趁後生咪雪囉」、「30幾歲結婚生仔大有人在，現今科技都無咩問題」。有網民提醒事主別被姨媽姑姐的流言蜚語影響，「咩年代，仲聽姨媽姑姐話？做返你自己，現代女性當然是自己話事」、「搞清楚自己想點，咁大個人唔係人哋講兩句就走去製造麻煩俾自己！」
Text：Mami Editorial
Source：香港討論區
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
