【戒奶嘴】5歲Kakaball遭公審「咁大個仲食奶嘴」 張繼聰霸氣回應網民質疑

【戒奶嘴】5歲Kakaball遭公審「咁大個仲食奶嘴」 張繼聰霸氣回應網民質疑

mami熱話 明星家庭
By Louisa on 24 Jun 2022
Digital Editor

相信不少父母都有類似經歷,就是當別人知道你有子女時,小朋友的衣食住行彷彿都會遭到指手畫腳。日前是張繼聰謝安琪囡囡張靖(Kakaball)的幼稚園畢業禮,5歲Kakaball表情多多、活潑可愛,而張繼聰亦不吝嗇向網民曬愛女。不過可愛影片竟然遭到網民公審

Kakaball已經5歲大,日前幼稚園畢業。Photo from 張繼聰IG

Kakaball笑容可掬非常可愛。Photo from 張繼聰IG

張繼聰分享囡囡可愛影片

事源張繼聰在IG上載一條Kakaball的短片,片中她穿上一身紅色的米妮老鼠睡衣,口中咬著奶嘴在家中不同各落向鏡頭搞笑打招呼。Kakaball笑容可掬相當可愛,不少網友都笑指片段無限重複非常治癒,直言可以看個不停。不過也有人留言質疑,「咁大個都用奶嘴」、「食奶嘴影響牙齒成長同埋含住d嘢驚爛牙和有衛生問題」。

Kakaball不斷向鏡頭打招呼。Photo from 張繼聰IG

片段內容遭網民質疑

而張繼聰即霸氣留言護女:「有咩問題?」他認為網民太過緊張著大家放鬆,「依個世界真係好多人關注人哋嘅小朋友點解食奶咀,我做老豆都未慌,你哋定d嚟啦。」對於Kakaball 5歲仍食奶嘴,他覺得「我嘅睇法係,大人都會有好多壞習慣,好多時仲會影響人,小朋友想食奶嘴,其實無傷大雅,佢唔會廿四小時狂食直到18歲呱?」

廣告
廣告

Kakaball在片中食奶嘴遭網民質疑。Photo from 張繼聰IG

用1方法幫囝囝戒奶嘴

張繼聰又透露其實大仔張瞻長大後,曾經亦有食奶嘴的習慣,而爸爸便用一句話成功幫囝囝將之戒掉。他憶述當時自己這樣跟兒子說:「你放心食,食到幾多歲都得,不過將來有女朋友,你諗吓會唔會影響大家嘅感情。」於是兒子真的很快便沒有再食奶嘴。

張繼聰是圈中好爸爸。Photo from 張繼聰IG

回應獲網民力撐

張繼聰發聲後獲不少網民留言支持,「自己嗰個都未管得掂就走去管人地嗰個」、「我仔5歲都未戒奶嘴我都未謊,佢淨係鍾意係屋企食啫,都唔影響到人未由得佢囉」、「小朋友食奶咀啫,又唔係食煙!做咩啫,犯法咩?」

Text:Mami Editorial
Source:張繼聰IG

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道