減肥不是夢 體重都有得夫唱婦隨 研究：一個減肥另一個跟住瘦

常言道：「夫唱婦隨」，但原來哩句說話唔淨只係講日常生活同喜好，就連體重都一樣。皆因外國有大學研究發現，夫婦兩人其中一個的體重減輕時，另一個亦都會跟住瘦，那豈不是，之後叫老公Keep住做運動，老婆亦能回復靚靚身材同體重。

早前《Obesity》期刊有份來自美國University of Connecticut 教授Amy Gorin既研究，找來128對夫婦進行調查，每對夫婦只有一人接受減肥計劃。參加減肥計劃既夫婦被分成兩組：一組參加為期6個月既減肥訓練營，有營養師咨詢協助，第二組則單憑健康指南來自律減肥，而研究人員便會在三個月和六個月後進行量度，看看當中有甚麼變化。

結果發現積極減肥既人士當中，佢地既另一半有32%係六個月內減輕左3%既體重，而這些配偶都係無刻意減肥。教授Amy Gorin就此解釋：「由於刻意減肥既人改變左飲食習慣，故會無意中影響到身邊人，所以一人減重，另一個亦會跟隨。」

此外，Amy Gorin還有提到若然夫婦兩人一同減肥，所得出的效果會更佳，因不是孤身減重，而是雙方都有著共同目標。

Text: Mami Editorial
資料來源：Business Insider
相片來源：謝安琪@微博、陳自瑤、丁子高@IG