【懲罰】阿仔扭計「電視撈飯」港媽帶走全屋遙控出街　迫兒睇1套劇集被轟留童年陰影

mami熱話親子新聞

By Louisa on 24 May 2022

Digital Editor

大部份小朋友都愛睇電視，有時甚至會為此而扭計，令家長相當頭痛。有港媽便因為兒子扭計要「電視撈飯」，而用非常手段懲治他。該名港媽終留兒子在家看喪屍片，並將全屋遙控拿出街，不讓他轉台或熄電視。雖然做法被網民恥笑愚蠢，但出發點卻被狠批殘忍。

Photo from TVB《愛上我的衰神》

港媽自稱做咗樣好癲嘅事

該名港媽的妹妹日前在Facebook專頁「生仔要考牌系列」投稿，她指家姐育有一仔一女，日前一家人相約在晚上家庭聚餐。不過當日她見家姐只帶了細女出席，而大仔則留在家中。家姐一到埗便自豪地說：「我做咗一樣好癲嘅事，我拎哂啲遙控出街」。

Photo from MamiDaily

兒子扭計要「電視撈飯」

樓主聽後一頭霧水，逐向家姐一問究竟。於是家姐解釋指當日中午，她在家叫大仔吃午餐時，大仔竟然扭計說：「我要睇電視先食！」。此舉令家姐頓時嬲爆，於是「發晒癲」稱「你唔好食，我唔會帶你去家庭聚餐」。

Photo from Netflix《殭屍校園》

將全屋遙控帶出街

最令樓主驚訝的是，家姐知道兒子最害怕的是「恐怖嘢」，於是她為了懲罰兒子，竟在出門之前「開住電視播喪屍片，拎晒啲遙控出街」。她相信此舉能令兒子不能熄電視又不能轉台，迫他不斷看可怕的影片。直至晚上8時左右，家姐致電老公問「返到去屋企未」，又追問他「套喪屍片播到第幾集」。

Photo from Netflix《殭屍校園》

憂家人終有一日上新聞

之後家姐的老公稱「Netflix播播下停咗」，家姐見一手策劃的創意懲罰方法行不通，即大感驚訝反問「Netflix點解可以停咗唔播」。兩公婆的對話令在旁的樓主覺得無奈，覺得二人的教養方式非常恐怖，直言「我覺得我哋遲早會喺頭條見到自己屋企人」。

Photo from MamiDaily

網民轟做法留童年陰影

帖文一出即引來網民熱議，不少人都覺得其罰仔方式愚蠢，「佢人來架嘛可以行開唔望電視」、「佢以為做咗好癲嘅事？其實係做咗好傻嘅事就真」、「我女3歲都識得唔用遙控熄電視啦」。也有人質疑港媽獨留兒子在家，「同屋會唔會其實仲有工人姐姐？」、「獨留兒童在家中係會俾政府拉㗎」。同時有網民覺得港媽的出發點太殘忍，「點可以咁樣嚇小朋友，好大心理陰影」、「用恐嚇的手段唔係教育小朋友的有效方法」。