杜汶澤獲獎唔夠1個鐘慘被老婆打爛 阿田勁內疚向老公連番道歉反被安慰

杜汶澤首部自編自導自演電影《空手道》在港內外都大獲好評。昨日（18日）大阪亞洲電影節，阿澤獲得「亞洲明星大獎」，真係恭喜晒！但得獎唔夠一日，個獎就落地開花，點解咁陰公？

日前，阿澤同太太田蕊妮，以及拍攝團隊一齊去到大阪準備參加大阪亞洲電影節，而佢地哩幾日都不斷更新自己既行程。睇黎心情相當唔錯！

當晚，大阪亞洲電影節阿澤獲得「亞洲明星大獎」，阿澤都立即同大家分享心情：「今天獲得這個大阪電影節年度亞洲之星大奬，深感榮幸。感謝所有在我演藝生涯中出現過的每一位！今後我定當繼續努力，為建設香港本土電影出一分力！香港電影萬歲！」

同行既阿田都貼出深情文：「93年認識你，當時的我只有15歲而你只是在亞視飾演什麼甲乙丙。這些年來你對於演戲的熱誠，尊重電影的態度一直深深影響著我。我感到好榮幸能陪伴你來到大阪接受這個年度亞洲之星大獎，在我心目中你一直都是我最尊敬的演員，監製及導演，希望今後你無論在任何一個崗位都能為香港電影繼續作出貢獻。」

但不幸事件發生。。。。。

正當大家去燒肉店慶公時餐廳，正當拎埋個獎影相，阿田唔小心一手掉左個獎落地。嘩，真係心痛！個獎落手都未到24小時咁就爛左。

阿澤：「所以話每個成功嘅男人背後，都會有一個女人支持。我亦都唔例外。亞洲之星呢個獎，係表揚我過去對香港電影界嘅貢獻，點知食完飯，俾我老婆跣手一鳩掟爛撚咗！佢差啲爆喊，而我心諗，我都未喊你喊乜膠呀？
我只能夠講一句：「世事無常，到處都是修行的道場！」
唯有繼續努力，第日有機會再攞過啦！我頂你個肺.......」

網民都好同情阿澤「唉.....自己老婆整爛，又唔係有心，無仇報，仲要忍住泡眼淚，good聲落肚，要做個好老公，就要係咁，有乜計？非常同情，亦非常體諒杜生心情。」；「身外物......take it easy」

哩個係獎座遺照，阿澤畀心機再拎過！

今日，阿田出席活動時都有回應打爛老公獎座，有諗過叫大會補一個俾佢，或用強力膠痴返佢，但阿澤唔洗咁麻煩，都係一個回憶嚟。阿澤都睇得好化喎！

Text: Mami Editorial

Photo Source:杜汶澤，田蕊妮@Instagram，Facebook