【家居噪音】公屋小朋友走廊玩滑板車製造噪音 港女投訴無家教原來媽媽都有份玩

【家居噪音】公屋小朋友走廊玩滑板車製造噪音 港女投訴無家教原來媽媽都有份玩

mami熱話 親子新聞
By Louisa on 18 Apr 2022
Digital Editor

小朋友長時間留家避疫,家居、走廊和樓下平台等都變成放電勝地。有居住在公屋的港女日前在網上發文投訴,稱自己的房間對著走廊非常應聲,可是這段時間幾乎每日都有小朋友在走廊玩耍,令她的生活受到影響。她不禁大嘆:「你咁大聲嘈到人,會唔會太冇公德心呢?」。

有港女投訴鄰居容讓小朋友在走廊嬉戲。Photo from MamiDaily

公屋女生被噪音騷擾

該名居住在公屋的港女日前在Facebook專頁「生仔要考牌系列」投稿,投訴家長小朋友鄰居無公德心。她表示自己的房間在大門旁邊,因此與屋外走廊雙連「十分之應聲」。然而第五波疫情至今,幾乎每一天都有小朋友在走廊嬉戲。

小朋友常在走廊嬉戲

事主料到有人會反駁「住公屋好多人都係咁㗎啦」,不過她指小朋友玩的是滑板車。小朋友會「由走廊嘅盡頭轆去另一邊嘅盡頭」,過程中還會大聲叫囂。她形容自己置身屋內,甚至會「feel到地下嘅震動」,令她覺得他們的行為已非可接受的程度。

小朋友喜歡在走廊玩滑板車。Photo from MamiDaily

事主表示情況已對她的日常生活造成影響,「我有陣時夜咗瞓,想話瞓晏少少,都會俾佢哋嘈醒;到日頭,我就喺啲轆聲同嬉戲喧鬧聲中上堂」。她原以為小朋友是因為由公公婆婆照顧,所以才會被縱壞如此放肆,可是後來她發現原來「小朋友嘅媽媽都有嚟,仲陪佢哋玩」。

噪音影響他人生活

早前事主在投訴過後,他們的行為停止了一段時間,可是後來又再出現,「BB就着住BB鞋行嚟行去,bibi聲咁,十分滋擾;大啲嘅小朋友今次冇玩滑板車啦,但就不斷喺度大叫」。她認為疫情下很多人都要在家工作和上網課,故她怒斥「你咁大聲嘈到人,會唔會太冇公德心呢」。

廣告
廣告

事主認為噪音阻鄰居在家工作、上課。Photo from MamiDaily

怒斥無公德心

事主認為如小孩要放電,家長應帶他們去公園或至少落街玩。如家長無法帶小朋友落街,便應跟小朋友「解釋唔係日日都有得出去玩,小朋友係要教,唔係要縱」。加上即使走廊是公家地方也不應影響他人,而且在狹窄環境玩滑板車也極危險,「衷心希望有公德心嘅人先好生小朋友」。

事件引網民熱議,有人認為疫情下應互相忍讓。Photo from 《幻愛》

有網民遇同樣情況

帖文隨即引來兩極反應,有網民慨嘆自己亦遇到同樣情況,經常有班小朋友在晚上仍在走廊狂歡,「一路跑一路尖叫」、「你有你投訴,佢哋有佢哋玩,咁無恥真係人都癲」、「一句細路係要放電就似老馮咁,全世界要遷就包容」、「嘈人個d一定話冇問題,俾人嘈個d就話有問題」。

認為事主小事化大

不過有更多人認為疫情下小朋友無處「放電」,公園又封閉,家長擔心感染不欲小朋友到處去惟有在走廊玩。有人反認為事主是麻煩鄰居,「以前成日係出面玩⋯從來冇人投訴過,點解依家啲人咁難搞」、「好少事啫,屋邨係咁㗎啦,唔淨係細路,仲有聽收音機、打麻雀、傾計,以前都係全部人開晒門,好熱鬧,屋邨文化」,又認為「大家都係香港人,不如互相包容下?」

Text:Mami Editorial
內容由生仔要考牌系列授權轉載

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道