【夫妻關係】港夫放1星期大假日日畀老婆鬧感無奈　網民道破老婆心事：你唔知自己衰乜

By Louisa on 09 Feb 2023

Digital Editor

有說「女人心海底針」，即使二人結婚後，相信很多人夫仍不明白老婆的心意。日前一名港夫在網上吐苦水，稱最近放了一星期大假，但日日在家都被老婆鬧，令他相當苦惱卻不知道背後原因，逐上網問意見。網民了解事情後，認為事主「唔識做」，兼「真係唔知自己衰乜」。

Photo from Viu《反起跑線聯盟》

放假狂畀老婆鬧

該名港夫日前在香港討論區以「我老婆最近真係好鐘意鬧我…」為題發文，表示最近他放一星期大假，他認為放假就應放鬆一下，因此日日留在家中看電視和打機。不料此舉動卻引來老婆不滿，無間斷「鬧我放假日日淨係識打機又唔幫佢手做家務，連衫都唔幫佢洗」，令人夫無奈嘆「唔知係咪嚟經定係我真係激嬲佢」。

Photo from Viu《暖男爸爸》

放大假想放鬆

人夫認為自己只是坐在客廳打機，難得放假「想好好地放鬆吓啫」，又覺得「我唔放假嗰陣老婆都係咁樣做家務㗎啦，我放假就要幫佢手啦咩」。他又表示曾嘗試幫手做家務，可是「到我幫手嗰陣老婆又話我阻住佢叫我唔好搞佢啲嘢」，直言「唔幫又鬧我唔幫佢、唔理佢，幫佢又話我阻住佢」，令他感到無所適從。

Photo from MamiDaily

網民斥人夫「唔識做」

人夫於是問網民意見「到底應唔應該幫佢手？」不少網民看過帖文後，都認為人夫太「唔識做」，斥他「你真係唔知自己衰乜喎！咁搞落，睇怕最終會離婚收場」、「多啲喺你老婆嘅角度睇嘢，可以減少啲誤會及磨擦」、「放假你唔幫手做家務，十個女人九個都會發你皮四，包括老婆同老母。做男人嘅點處理呢種問題？做樣幫下手囉，掃下地抹下枱，你幫過手佢就會放過你。」

Photo from MamiDaily

建議主動幫手

也有人認為老婆未必真心想鬧老公，而是打理家務太忙感心煩，才會鬧人發洩，於是建議「你都幫手做少少，起碼俾佢見到你有心幫輕下佢，多少少體諒俾太太，呢頭家係兩個人支撐落去的」、「佢一年365日都做，咁佢啲假期喺邊？咁佢有冇大假、佢有冇勞工假、佢有冇補假？乜你覺得佢唔需要放假，唔需要休息咩？」、「你試吓比老婆放一兩日假，你係屋企做晒所有家務，你就會明」。