【語言暴力】鄧小巧月初出嫁被嘲「鬼佬先食豬扒」 發文反擊：得到愛，唔一定要生得靚！
網上欺凌、言語暴力屢見不鮮，尤其是公眾人物更經常成為網民的攻擊對象。而新婚的歌手鄧小巧便對此深有感受，她於本月初宣布跟外籍男友「白先生」於加拿大結婚，婚禮埸地別具意義，選址當日求婚的花園。而小巧的圈中朋友如鄭欣宜、許廷鏗、林欣彤等，都透過Zoom觀禮隔岸送祝賀。結婚本是人生大喜事，小巧雖收到很多祝福，亦同時收不少惡毒留言，令她對於語言暴力有感而發發文。
Photo from 鄧小巧IG
鄧小巧新婚即收惡毒留言
小巧在文中表示入行娛樂圈多年以來，經常收到有關外貌的惡意批評，內容「嚟嚟去去，以前對我嘅攻擊都係醜樣、肥、豬x，生成咁樣學咩人做歌手之類」，不過婚後惡意批評似乎變本加厲，「結婚之後就話『鬼佬真係重口味』、『多個人去外國做雞』、『呢啲豬扒真係鬼佬先食得落』諸如此類。」
Photo from 鄧小巧IG
反擊語言暴力
小巧表示每次遇上這些說話，朋友都會安慰道「唔洗理呢啲留言啦，咩都有人講。」但她卻認為網上的語言暴力好可怕，或許就是大家都「唔理」，而令「某一小撮人就橫言無忌」。她直言其可怕之處，在於留言的人見到你，但你卻可能永遠見不到留言的人。
Photo from 鄧小巧IG
一直受惡意批評纏擾
新婚的小巧受惡意批評纏擾，令她有感「我哋好經常批評別人嘅外表，肥嘅太肥，瘦嘅太瘦，靚嘅整容，性感嘅就係蕩婦。總之就要搵到你睇唔順眼嘅地方，然後暗中背後指住人哋謾罵，好似呢個世界上仲欠缺好多惡毒嘅人。」不過面對欺凌小巧決定不再退縮，逐籲各位「莫因惡小而為之，莫因善小而不為。我哋就係包庇一啲小惡行，慢慢縱容出大惡行。」
Photo from 鄧小巧IG
曬相力證真愛
她又嘗試代入散布惡毒留言者的位置，「我相信可能曾經惡毒嘅你，都曾經受過傷害、被無理指責，或者同樣被語言/身體暴力過。但將恨傳播，唔會為自己同世界帶嚟任何好處。」最後她憑一張與白先生的合照力證「其實，得到愛，唔一定要生得靚」，她解釋相中是夫妻二人的first dance，當時小巧說「我想著便服」，白先生則回覆道「whatever makes u feel good」。於是她便穿上連帽衛衣出席約會，雖然沒有華麗裝扮，但二人共舞仍笑得很開心，她又勸籲眾網民「be nice to the world」。
Photo from 鄧小巧IG
收到大量網民安慰
文章發布不久，小巧即收到不少網民支持，有部份人安慰「唔好理人哋講咩/把口生喺人哋度」，小巧即再次發文解釋「我知道大家都係想安慰我（其實我ok)。有時唔係在唔在意，而係啱唔啱。」她表示「語言暴力好無形，針唔吉到你嘅肉，你就同人講：唔好理佢啦，其實係二次傷害」，又指「如果有人俾人打，你唔會話：『唔好理佢啦』『呢啲人唔值得俾attention』」。因此她選擇站出來反擊，「我唔係唯一被語言暴力嘅人，亦唔會係最後一個。但我希望我係其中一個可以講出嚟嘅人」。最後小巧稱「只係希望大家在網上/日常對世界嘅溝通，多啲善意。」
Text：Mami Editorial
Source：鄧小巧IG
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
