【居安抗疫】斥有家長攞唔到尿片奶粉鬧足1個鐘　居安抗疫接線生：屋企有小朋友、BB唔係大晒

By Irisa on 25 Mar 2022

Digital Editor

第5波疫情持續肆虐，不少市民因不幸染疫或同住家人確診而需要居家隔離。一家幾口輪住中招，分分鐘需要禁足在家數星期，面臨日用品及糧食短缺等問題。而政府早前就推出「居安抗疫」熱線，向留家進行隔離的有需要市民提供援助。不過近日就有「居安抗疫」熱線的接線生在網上呼籲大家切勿濫用熱線取得物資，又言「家有小朋友及嬰兒唔係大晒」，言論在網上引起熱議。

Photo from MamiDaily

「居安抗疫」熱線接線生呼籲市民切勿濫用熱線

這位「居安抗疫」熱線的接線生在 Facebook 專頁《公務員Secrets》投稿，呼籲市民不要濫用此渠道獲取物資，尤其是尿片及奶粉等嬰幼兒用品。根據衞生署的最新指引，如果確診者已經接種兩針疫苗，並在染疫的第6及第7日快速測試呈陰性的話，就可以提早結束隔離期，連同其他已接種兩針疫苗的同住家人都可以外出。事主覺得，巿民應該把物資留給真正有需要的家庭，包括獨居長者、行動不便的老人家及傷健人士。因為當需求增加，送貨就會推遲，不少有需要的人因而延遲接收到物資，他直言「年輕的香港人請衡量自己是否有急切需要，先來電要求物資。」

Photo from BB來了劇照

「家有小朋友、嬰兒唔係大晒」

事主表示，不少家長致電要求取得尿片及奶粉等嬰幼兒用品，有人甚至因未能獲得物資而大發脾氣，投訴鬧足一個鐘。事主直言「家有小朋友及嬰兒唔係大晒」，他認為既然屋企有小朋友或BB，家長就好應該一早儲存適當份量的尿片及奶粉。事主直言：「每個做父母都有辛酸事，大家會體諒，但不是父母們的藉口」，他認為各位家長不應濫用熱線，要好好衡量自己是否真的有需要。

網民反應兩極

面對這位「居安抗疫」熱線接線生的公開呼籲，網民就反應兩極。有不少人認同熱線被濫用，覺得部分要求取得物資的人只是不想花自己錢買。有網友表示，曾在網上見到有人肆無忌憚地教人如何濫用熱線，直斥「見過有Facebook版主咩都? ，仲要好威威咁打晒出來教人點拎到物資」。不過亦有很多網民認為，事主根本無法判斷對方的真實情況，指有些人雖然未必老弱傷殘，但亦可能有急切需要。有網友覺得，「香港啲屋有幾大呀？一個初生BB每日要用十幾條尿片、食6餐奶，叫人平時買定多啲，講就容易，放喺邊？廁所？」，亦有人直言「之前又叫人唔好搶購，依家人哋聽話冇搶購，真係唔夠用，又話人呃物資」、「就算打咗2針，第6-7日陰性到先得㗎！我知好多人專登打去拎食物跟住影相上網打卡，但唔好講到個個都係浪費你資源咁」。有網友認為，只要將物資由免費改為收費，貪心的人就會消失，大家又點睇？