【兒童意外】Patrick Sir 11個月大愛兒跌傷下巴入院聯6針嚇哭關宛珊

By Dara on 17 Mar 2022

Deputy Managing Editor

當自己成為父母，才明白父母的喜怒哀樂，以及無私的愛！

男孩活潑好動，容易出現意外，但若發生在只有11個月大的BB身上時，難免嚇哭媽媽。藝人Patrick Sir 的11個月大愛兒Preemo於家中跌傷下巴，需入院聯6針，媽媽關宛珊在急症室門外哭成淚人，傷在兒身，痛在母心。

Photo from 關宛珊 Kimmy Kwan@FB

Patrick Sir弄兒為樂

Patrick Sir(林溥來)與太太關宛珊於去年4月榮升爸媽，兒子Preemo（林若嘉）手長腳長，外表似足爸爸。夫妻不時上載兒子的可愛照片，更在他11個月大時拍照留念，「點解啲時間快到咁㗎？明明之前仲係一粒豆，眨吓眼已經係廿幾磅重手長腳長嘅BB仔，仲要學嘢快過乜咁，同埋可愛到Dadidy成日都想攬實你同錫你個面珠燈，點搞呀？」Patrick Sir留言。

Photo from 關宛珊 Kimmy Kwan@FB

送給父母難忘回憶

想不到還未足一歲的Preemo，給了兩夫妻一個「難忘回憶」，關宛珊在社交平台上分享經過，指：「咁耐冇出街，估唔到一出就係去醫院~」

前晚（15號）大約7點，Patrick Sir外出工作，家中只有母子。Preemo戴着一頂看似是防跌頭盔，於大廳木地板爬行。「爬爬下突然跣手仆親下巴落地，喊到收唔到聲，傷口好似唔深但顎起少少頭又好似好深。」媽媽冷靜地幫BB止血，按着傷口20分鐘，同時避開傷口使用冰敷，兒子終於不再哭，還笑着玩，兼能沖涼食奶。

Photo from 關宛珊 Kimmy Kwan@FB

局部麻醉父母要狠心忍痛

Patrick Sir回家後一看傷口，便指需要入院聯針，媽媽聽到後立即哭了出來，擔心BB需要全身麻醉。此時Patrick Sir展現冷靜爸爸一面，既搜集資料，又安慰太太，最後經朋友介紹一位兒童外科醫生，看過照片後指Preemo聯針時只需局部麻醉加幾個護士聯手撳住，亦預告要他們「狠心忍痛」。

Photo from 關宛珊 Kimmy Kwan@FB

當晚10點，一家三口到達私家醫院，由於疫情關係，父母不能進入急症室。關宛珊說：「老公放低得11個月大嘅Preemo喺治療室床上就要離開，4個姑娘撳住BB仔嘅頭、手、腳，用塊布遮實BB仔個樣，喺外面我哋聽到嘅係佢前所未有嘅喊聲，係好驚多過痛嘅大喊聲，大嗌『阿媽～阿媽～』真係好心痛！但係喊喊吓冇咗聲嗰吓係仲驚！喊吓停吓，心亂到不停踱步。突然姑娘叫『爸爸入一入嚟』，真係嚇到命都冇！原來只係睇睇聯好嘅傷口~ 」

Photo from 關宛珊 Kimmy Kwan@FB

兒子比想像中堅強

事後醫生和姑娘讚Preemo「算好乖好配合，聯咗6針都唔算掙扎得好勁，係唔鍾意俾人撳實佢個頭啫」。關宛珊指兒子比想像中堅強、勇敢，「真心覺得佢好叻！」她更沒有想到在家中平滑的木地板撞親，竟然搞到要聯針。「我哋一直都有預計，帶大一個男孩子，一定要面對佢整親手腳、聯針、甩骹之類嘅意外，但絕對冇諗過咁快就要經歷~」