【長輩湊孫】奶奶代湊3個孫日日食足5餐就嚟變豬　港媽欲制止卻被網民指責

By Louisa on 01 May 2024

Digital Editor

人們經常說一句：「有種餓叫『阿嫲覺得你餓』」。長輩們總想孫仔孫女食得越多越好，認為小朋友理應長得肥肥白白。不過今時今日講求均衡飲食，進食要注意營養，不再是越肥越好。一名媽媽日前在網上大呻，稱3個孩子自從交由奶奶代湊，但她發現小朋友越來越肥，一問才發現他們一日食足5餐，更餐餐大魚大肉。不料網民沒有跟她一樣投訴長輩的養育方式，反而倒過來指責媽媽。

Photo from TVB《寶寶大過天》

奶奶湊孫越湊越肥

該名媽媽在香港討論區以「真係唔可以搵奶奶幫手湊小朋友」為題發文，稱自己最近開始兼職工作，少了時間可以留家照顧3名子女，於是奶奶竟自告奮勇幫忙照顧小孩。但只是代照顧了2個月，港媽便發現3個小朋友都「好似肥咗」。

Photo from MamiDaily

小朋友日日大魚大肉

為了求證真相，港媽幫孩子們磅重，發現「3件化骨龍全部都重咗！」媽媽見狀大驚，一問之下才得知平日奶奶湊他們時，「原來個個都食得好好，早餐同午餐中間又會食小食，下午茶又大大份，成日食m記、kfc」，加上晚餐的話變相一日食足5餐，而且更餐餐大魚大肉。

Photo from MamiDaily

奶奶反駁稱有福氣

媽媽逐向奶奶反映，要求對方不要再讓孩子們食零食，不料奶奶卻自覺沒有問題，更稱「小朋友肥咗好呀，有福氣！」奶奶的回覆令媽媽大感崩潰，直指：「奶奶你係好心，但真係再肥落去就變豬啦，奶奶」。

Photo from TVB《BB來了》

媽媽身在福中不知福？

帖文引來網民討論，不過大部份留言都反而認為責任在媽媽自己，「如果瘦咗，又會俾人話刻薄個孫」、「比人湊係冇得要求㗎喇！」、「有奶奶幫手已經好好」、「小朋友會成長，2個幾月點會無重到」、「出錢出力出精神幫你湊幾件嘢，唔感恩仲上網唱衰老人家」、「港女變港媽思維」、「老人家辛苦咗大半世，要佢哋湊小朋友仲要係3個，已經好辛苦，應該要識感恩呢！！！」有人建議若想奶奶繼續幫手，自己多叫小朋友做運動便好。