【婚姻大事】港男執意娶爛玩女友稱結婚係兩個人嘅事　轉頭提無恥要求斥父母唔係一家人

By Louisa on 09 Mar 2023

Digital Editor

究竟結婚是兩個人的事，還是兩家人的事呢？有名港女日前在網上大呻其哥哥執意要娶「好爛玩又冇家教」的女友，因此不獲父母支持，但他卻說「結婚係2個人嘅事」。不料他在計算結婚支出後發現自己不夠錢，向爸媽借錢卻遭拒，竟反斥他們不當他是一家人。

Photo from TVB《香港愛情故事》

哥哥執意娶爛玩女友

該名港女日前在香港討論區發文，形容她的哥哥「成世人對屋企都冇咩貢獻」，只懂伸手問家裏要錢。日前哥哥表示打算跟女友拉埋天窗，但是父母對這位未來新抱不太滿意，因為她「好爛玩又冇家教」，因此全家都不支持哥哥的決定。儘管遭到父母反對，哥哥卻堅稱「結婚係2個人既事，佢哋冇權阻止，亦都唔到佢哋理。」

想充大頭鬼問父母要錢

事主稱爸媽見哥哥如此決斷，惟有「由佢，無聲出」。不料哥哥在計算婚禮支出後方發現自己不夠錢，她稱哥哥「充大頭鬼」，想在五星級酒店擺酒，而女方又要求「要買幾多卡既戒指」，最終哥哥計過度過發現負擔不起，決定向父母要錢。哥哥一下子便想要十多萬，「阿爸阿媽當然唔肯，咪話冇錢」。

Photo from TVB《香港愛情故事》

媽媽一句決絕回覆

無恥的哥哥借錢遭拒竟發爛，反斥責父母不當他是兒子，又怒罵：「人哋個個結婚屋企都會支持下，我又唔係叫你哋幫我畀晒。你哋少少錢都唔肯出？」此言一出即辣㷫事主，反駁：「邊個當初話結婚係2個人嘅事，既然你2個人嘅事，你就自己搞掂佢，依家問屋企拎錢做咩，有事鍾無艷無事夏迎春呀？」哥哥無反擊之力，而媽媽再出聲「補刀」：「你下次結婚揀個我哋鍾意嘅，我哋咪支持你囉！」

Photo from TVB《香港愛情故事》

網民炮轟哥哥不肖子

事後哥哥自知已「無彎轉」，惟有死死地氣離開，之後仍有不時打電話來借錢，不過事主慶幸父母暫時沒有心軟。不少網民看過帖文後，都大罵事主的哥哥，「咁大個人虧佢仲好意思問老豆老母拎錢，連自己都養唔點，仲學咩人結婚呀」、「你阿哥呢種人叫老豆老母比錢老馮當理所當然」。不過也有人認為無論如何也是一家人，「十零萬就比佢啦！個仔你老豆老母生嘅，又乜好計？禮金人情都要啦」。