【疫下送暖】港男爸爸染疫全家隔離 女友患難見真情暖心舉動獲網讚：娶得過
患難見真情，世紀疫症能否測試出另一半的人品？第五波疫情下，不少對病毒呈陽性的患者和密切接觸者都未能獲相關安排，只能自行在家隔離，這便引伸出隔離期間的物資供應問題。有男網民日前在網上指家父染疫，平日像公主般的女友竟然做出暖心舉動令他大為感動，而網友亦大讚女友人品好「娶得過」！
Photo from MamiDaily
家父染疫著女友不要上門
該名港男日前在香港討論區，以「疫情真係睇得出另一半真實人品」為題發文，他指日前其同住的父親做快速測試「兩條線」對病毒呈陽性，於是他和媽媽立即安排爸爸在房中隔離，而母子二人亦持續做測試，暫時仍是陰性。不過為安全起見，樓主還是叫女友未來一個月都不要上門。
Photo from 逃避雖可恥但有用
女友欲上門照顧他們
樓主考慮到街上有很多無病徵患者，亦擔心獨居的女友一旦染疫，自己一個人會很麻煩，於是著她即使「阿爸好返我哋又冇事都唔好上嚟住」。不料女友並不嫌棄，反而主動提議「不如上嚟照顧我哋」，樓主立即拒絕，女友又接著不放心問：「夠唔夠藥？有冇退熱貼之類」，而他則指暫時「屋企得返一排多啲啲必利痛，應該夠阿爸用住先」。
Photo from 逃避雖可恥但有用
女友暖心舉動感動港男
不料兩個小時後，女友叫樓主開門，他即看到門前「掛咗袋藥同埋寶礦力粉喺我門口」。對方的暖心舉動令樓主大為感動，他覺得女友並無責任要這樣做，而且「我又冇叫佢幫我買，反而佢會自動自覺幫我哋買上嚟」。他又指平日女友像「小公主」般，但患難時卻竟然如此貼心，令他有感患難真的見真情。
Photo from 逃避雖可恥但有用
網民大讚「娶得過」
帖文引來網民羨慕，不少人看標題以為樓主是要吐槽另一半的人品，豈料故事卻是放閃文。網民紛紛留言大讚，「呢啲好嘢自己知好喇，無謂招人妒忌」、「真係要比樓主女友n個like」、「你好好珍惜你女朋友喇」、「呢種好女仔娶得過」。
Text：Mami Editorial
Source：香港討論區
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
