【提早暑假】老師網上訴苦網課更忙  非坐着等出糧  無論教得多或少 家長也會投訴

【提早暑假】老師網上訴苦網課更忙 非坐着等出糧 無論教得多或少 家長也會投訴

教育路
By Dara on 06 Mar 2022
Deputy Managing Editor

受疫情影響,由今年一月起,中小學、幼稚園於不同時段停止面授課,開始了在家上網課的生活。早前教育局局長楊潤雄亦宣布由3月7日起全港中小幼放特別假期,由於政策朝令夕改,令學校和家長也無所適從。昨晚有老師在網上申訴,指老師亦不想用 Zoom教學,亦不想提早放假,這段時間教師的工作量大增。他指:「用Zoom 教書,老師做多好~多~嘢。家長在背後看不到!」

老師停面授課期間,需花更多時間準備網課。
Photo from MamiDaily

由今年一月份起,中小學和幼稚園以網課教學。
Photo from MamiDaily

一名老師在Facebook專頁《家長Secrets》內投稿,指老師停面授課期間都好攰,好辛苦,並非坐着就有糧出。學生有一個多月暑假,老師未必有。小朋友不用返學校的日子,老師一樣要回去當值、備課、做課室清潔,現時形勢如此,他希望家長多多體諒,多多配合。

1.工作量大增,收或派功課變得困難

這位老師指,平時派功課給學生,只需要派 1 次,學生自己收落書包。停面授課期間,老師要把物資執好一份份,不能執漏,然後等家長自取或校車送往。「有學校出於好意,怕家長要走嚟走去,於是就要小朋友上網交功課,結果呢,家長嫌麻煩,屋企冇 printer,小朋友唔識 scan,做唔到。老師追功課又怪老師好打電話去追。」
除了追功課,老師亦要關心學生在家情況,這種「陽光電話(即由老師打給家長講述小朋友情況)」需要打給全班所有人,每次一講可能十幾廿分鐘。「當老師講你小朋友有咩不足,可以再點進步嗰陣,請留心聽,唔好下下都覺得老師針對你個小朋友,下下都起晒『鋼』(起晒弶)。 學習聆聽啦,家長們。學識聆聽好!緊!要!」

上網課令老師收和派功課變得困難。
Photo from MamiDaily

2.老師需回校當值,上Zoom需更多時間做準備

有人以為停面授課,教師會好得閒,發帖的老師指出,放特別假期前,教職員需要返學校當值。「學校開放,老師就要當值。你哋唔好成日以為老師好得閒先得㗎。」

此外,老師亦需要備課,「Zoom 上堂要用 PowerPoint,要時間整,要搵圖搵片,整動畫,整效果。仲要改功課。晚晚做到凌晨點幾 2 點,第二日又要教書,真係人都癲。」他指上了年紀的老師或本身電腦冇咁叻,就要花更多時間做準備。

老師想WFH(在家工作)亦不是易事,他說:「要拎晒所有教學物料返屋企,所有教師用書,學生用書、白板、工作紙、教案、要開會嘅文件。無錯,仲要開會㗎。老師都係要返工,個世界冇停到㗎。仲要拍片、剪片。喺屋企要 Zoom 住同同事一齊拍片,難度高十倍。」他指要找個寧靜環境拍片都不唔易。好多老師都寧願返學校,方便好多。

廣告
廣告

上網課期間,師生和家長應互相尊重。
Photo from MamiDaily

3.學生上Zoom不專心,家長亦欠尊重

上網課期間,學生容易不專心外,秩序亦比學校時鬆散,老師希望家長可以配合。「一班有10幾個小朋友一齊上堂㗎。明知小朋友要上堂就電視細聲啲啦。喺後面大聲講嘢又有,爸爸唔著衫行過又有,上上吓堂,無啦啦走嚟攬住個小朋友錫一啖又有!喂,上緊堂㗎,可唔可以尊重吓個課堂,尊重吓老師,尊重吓自己個小朋友呀?!」他強調,上 Zoom時老師要教同平時一樣多的內容,因為學校評估,做學習記錄繼續進行。「你一日有上Zoom就等如你有返學,有Take attendance(點名)。係當同平時喺學校一樣㗎。」

上網課時,學生的專心程度比面授課低。
Photo from MamiDaily

4.香港是投訴之都

最後,老師勸喻家長不要動不動便投訴。「小朋友唔坐好,唔合作,整怪聲,用Zoom枝筆畫花老師個 Share screen 或做危險動作 (塞枝筆入鼻孔),老師都唔想出聲話佢,因為會浪費時間,但奈何呢個係投訴之都,老師唔開口話佢,其他家長會投訴。到老師幫你教仔,你又投訴。你自己喺屋企坐喺旁邊睇住佢上堂,你都管佢唔到,老師隔住個螢光幕叫佢個名,你又唔鍾意。究竟你想老師點做好呢?」

教少了,家長覺得唔抵;教得多,家長又為自己的寶貝心痛,既想讀名校,但又想Happy school,沒有搞清遊戲規則。老師又指家長動不動以退學迫學校就範,導致學校變成只為服務家長,往往磨蝕老師的抱負和理想,打沉教學熱誠。

 

 

Text:Mami Editorial
Source:《家長Secrets》

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【中一統一派位2022】校網會根據小學位置而非居住地來決定?家長對中一統一派位4大誤解
教育路
3 days ago
【中一統一派位2022】校網會根據小學位置而非居住地來決定?家長對中一統一派位4大誤解
【插班生2022/23】女拔、男拔、喇沙、協恩招插班生! 即睇10校報名日期+遞交方式+申請資料
教育路
7 days ago
【插班生2022/23】女拔、男拔、喇沙、協恩招插班生! 即睇10校報名日期+遞交方式+申請資料
【插班生2022/23】港島區8間熱門名校招收插班生! 即睇報名日期+遞交方式+申請資料
教育路
8 days ago
【插班生2022/23】港島區8間熱門名校招收插班生! 即睇報名日期+遞交方式+申請資料
【遙距課程】女大學生記錯學號上網課 學期尾驚見1畫面崩潰痛哭
mami熱話
15 days ago
【遙距課程】女大學生記錯學號上網課 學期尾驚見1畫面崩潰痛哭
【網課出醜】廿四孝爸爸按學校指示監督上網課 1個行為反累女兒出醜兼被扣分
mami熱話
25 days ago
【網課出醜】廿四孝爸爸按學校指示監督上網課 1個行為反累女兒出醜兼被扣分
【學校復課】小學陸續復課學生感興奮  校長:佢哋見到同學即隔空擊掌
教育路
a month ago
【學校復課】小學陸續復課學生感興奮 校長:佢哋見到同學即隔空擊掌
Hottest Articles
最熱文章
【結婚準備】女家唔收禮金只提1要求卻被準新郎斥過份 網民 : 放過個女仔啦
家庭關係
3 days ago
【結婚準備】女家唔收禮金只提1要求卻被準新郎斥過份 網民 : 放過個女仔啦
【身高差】女子一原因身高樣貌永遠停止在9歲 遇真命天子結婚懷孕夫卻慘被批變態
mami熱話
2 days ago
【身高差】女子一原因身高樣貌永遠停止在9歲 遇真命天子結婚懷孕夫卻慘被批變態
【公園意外】新手媽帶歲半兒到公園玩想提升親密感 1個錯誤舉動累蹣跚學步兒腿骨折
mami熱話
3 days ago
【公園意外】新手媽帶歲半兒到公園玩想提升親密感 1個錯誤舉動累蹣跚學步兒腿骨折
【手機註銷】女兒亮死亡證明為亡母註銷手機號 職員堅持一要求拒辦理 網斥離譜!
mami熱話
3 days ago
【手機註銷】女兒亮死亡證明為亡母註銷手機號 職員堅持一要求拒辦理 網斥離譜!
【七年婚姻】老公吵架時爆最愛前任結婚另有隱情 人妻聽後內心有刺遇師弟表白想離婚
家庭關係
3 days ago
【七年婚姻】老公吵架時爆最愛前任結婚另有隱情 人妻聽後內心有刺遇師弟表白想離婚
【夫妻床事】結婚22年老公仍堅持每日床戰 人妻哭訴:連1個情況也不能休息
家庭關係
16 hours ago
【夫妻床事】結婚22年老公仍堅持每日床戰 人妻哭訴:連1個情況也不能休息