【團年飯】親戚要求團年飯由事主一手包辦　怒斥：煮飯好食就要老奉煮畀咁多位大帝？

By Irisa on 21 Jan 2022

Digital Editor

變種病毒疫情肆虐，不少家庭都無奈取消團年飯及拜年等賀年活動。即使打算如期舉行，亦因為多項疫情措施收緊，例如禁晚市堂食等條例而需要重新計劃聚會地方。日前有網友在討論區大吐苦水，指一班親戚以「老奉」的態度要求他親自下廚，為十多人炮製團年飯，令他非常無奈。

Photo from MamiDaily

親戚要求團年飯由事主一手包辦

事主在《香港討論區》抱怨，指一班親戚懶理他的意願，要求他負責今年全家十多人的團年飯。事主稱因為家中長輩都不在了，所以今年幾兄弟姊妹本打算外出到酒樓食團年飯。但由於疫情措施收緊，大家近日就商討應該轉場到哪裏。事主在幾兄弟姊妹中排行第二，對上有一位大哥，對落有幾個細佬妹。大家剛開始都打算到大哥屋企食團年飯，但對方就稱自己屋企不太方便，加上老婆不懂得煮飯，所以就反建議改為到事主屋企。

Photo from 寶寶大過天劇照

弟婦嫌棄事主屋企細

大哥稱事主識煮飯，變相不用叫外賣，團年飯可以由事主一手包辦。幾兄弟姊妹的家庭加起來共十多人，當中有老有嫩。要為這麼多人煮飯，有很多準備功夫並不容易。但事主還未來得及出聲婉拒，其中一位弟婦就搶先對提議表示嫌棄。弟婦指事主屋企好細，這樣她就不能帶自己的芝娃娃狗仔上去食飯，因為空間太小不足以讓狗狗活動。事主對於屋企無故被嫌細感到氣憤，心中怒斥「如果出去酒樓食你都唔會帶埋隻狗去啦！無啦啦寸我屋企細做咩？」

事主無奈：煮飯好食就要老奉煮畀咁多位大帝？

事主對於家人因為他識煮飯而要求他包辦團年飯感到無奈，慨嘆「當我係私房菜呀？」他向家人表示，其實團年飯不一定要有人煮，並建議大家一人買一樣外賣到屋企一齊食。誰不知眾人竟回覆指，「團年飯要有人煮吓飯先Feel㗎嘛！你煮嘢又咁好食，你煮啦！」事主感到十分無言，心想「我煮飯好食就要老奉煮埋比你哋咁多位大帝？」他又有感家人吃飯後只會翹埋雙手不會幫忙洗碗，變相自己要包辦場地、煮飯及洗碗，獨自一人為團年飯出心出力。事主非常無奈，直言情願不食團年飯。有網友批評事主家人理所當然地要求別人付出，但亦有人叫事主對家人不要這麼計較，不知你又點睇？