【懷孕二十週首次聽到囝囝心跳 感覺就似同BB有更親密接觸】

懷孕最初4個月未有胎動時, 除了產檢照超聲波外, 怎樣可以知道 "綿綿BB" 既存在呢? 就是用 [胎心機] 聽綿綿心跳, 多謝Zoe送部胎心機給我,十分窩心, 待我可以同綿綿有進一步接觸。每次聽心跳時都好緊張，我一定會叫 "綿綿爸爸" 幫手係肚上周圍試，因為次次聽到心跳位置都唔同，如果一搵唔到就會好擔心，不過幸好每次"綿綿"都好聽話，乖乖地比心跳爸爸媽媽聽, 唔會令我地膽心～

我已經記錄了 第一次"綿綿"胎動既日子，是2017年12月6日, 早上8點, 當日正正是我懷孕第20W, 第140日。感覺好似有條金魚係肚入面游來游去，好奇妙, "綿綿" 我地開始有交流喇, 好感動啊~  直到現在差不多27W, 綿綿可能長大小小，感覺就開始唔似金魚游水，唔知點形容，只係覺得BB郁得好溫柔, 聽人講再遲些, 約30W後, 如果BB郁得勁，就有機會可能見到手仔腳仔印, 哈哈~好期待～

呢張相是有第一次胎動後第10日影的，唔知大家覺得當時肚子Size算唔算大呢?

各位媽媽，如果發現胎動減少，而又未到期做產檢，都可以自己用胎心機去Check Check BB心跳，如果及早發現有乜事都可以盡早搵醫生呵！希望所有媽媽生產順利~

Text & Photos : Suki綿綿媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！