【夫妻爭執】激嬲老婆第二晚一定食肉餅　人夫細問原因心寒：唔敢再激嬲佢

夫妻間時有爭執，不過激嬲老婆可大可小，要避免釀成慘劇，各位人夫都會想盡辦法氹返老婆。一名港男人夫日前在網上分享，稱自己在激嬲老婆後不必做甚麼去氹，不過第二天晚上卻必定會食蒸肉餅，細問下才發現老婆有特別的解氣方法。

Photo from 《逃避雖可恥但有用》劇照

激嬲老婆翌晚必食蒸肉餅

該名人夫在香港討論區以「老婆燥底，就會蒸肉餅......」為題發文，稱自己結婚2年，發現老婆「有個特別嘅地方」。他指每次跟老婆起爭執激嬲她後，若當晚沒有即時將問題「拆掂」，第二天放工回家後的晚餐便必定會食蒸肉餅。

Photo from 《逃避雖可恥但有用》劇照

背後原因令人夫感心寒

人夫發現好幾次都是這樣，直至有一日他終於「忍唔住問下佢點解」，之後老婆微笑回答說：「咁我唔可以斬你嘛，咪斬啲豬肉囉～」人夫坦言知道蒸肉餅的由來後，自此跟老婆相處都會很小心，亦「唔敢再激嬲佢喇......」又問各位人夫，「大家屋企嗰件係點發洩不滿架？」

Photo from MamiDaily

網民擔心人夫安全

帖文令一眾網民爆笑，有人認為樓主的老婆很恐怖，「小心第日你變埋肉餅」、「買定啲豬肉放喺冰格，以免買唔到豬肉，切你啲肉」、「師兄要小心...」、「你老婆好得人驚」、「咁你要買定啲腸仔畀佢發泄」。

讚人夫老婆做得好

不過也有人讚他的老婆做得好，「聽落師兄老婆幾可愛！」、「見好多人講你老婆恐怖叫你小心。其實，你老婆絕對係好，特別係識處理自己情緒。希望你地小小吵鬧係情趣」、「女人會自己處理自己情緒唔多，而整肉餅又係相對比較好既方法。如果每次有脾氣都買野，你先怕」。

延伸閱讀：

【BB搭飛機】BB機上喊足3小時 媽媽安撫都無用　乘客極度容忍嘆：點解要帶BB出國？

延伸閱讀：

【親子教養】仔女亂按升降機按鈕 耽誤他人時間　何基佑教路1招降按掣欲 免除尷尬！

Text：Mami Editorial
Source：香港討論區