【中伏陪月】港爸呻請陪月中伏提早補錢請走 力數4宗罪：湯水飲得多過媽媽
不少產後爸媽都會選擇聘請陪月員，以減輕初生兒照顧工作，以及協助媽媽在產後身體復原。不過有港爸在網上分享日前請陪月的中伏經歷，希望其他有意聘請陪月員的夫婦要小心。他認為對方的陪月知識欠奉、工作毫不專業，最終寧願提早補錢要求她離開。
Photo from TVB《BB來了》劇照
陪月質素不似預期
該名港爸在Facebook群組「~ 家務助理、陪月、保姆、嬰兒照顧、產婦照顧 情報站 ~」發帖，指太太日前誕下二胎，為了在母乳餵哺時爭取更多休息，於是首次聘請陪月員，豈料對方的服務卻不似預期。
港爸分享最初因為看到陪月群組中，有分享介紹這位陪月員，「見不太差於是見下面了解。對版，於是簽約」。他指陪月員首日上班便主動要求利是，頭數日適應期工作表現還可以，可是之後「日日有新驚喜」。港爸在帖中力數她的4宗罪。
Photo from MamiDaily
1. 煮退奶白蘿蔔給哺乳媽媽
港爸指陪月員竟然煮蘿蔔糕給哺乳媽媽吃，他坦言「好似沒有任何陪月知識」。白蘿蔔屬寒性蔬菜，不同體質的媽媽在吃過白蘿蔔後，都會有不同程度奶水分泌減少的情況。
Photo from MamiDaily
2. 常煮煎炸食物
陪月姨姨又會不時煮煎炸食物給媽媽吃，港爸稱她曾用整支油炸咕嚕肉，結果不太好食之餘，更「搞到下午2:30，仍未有中午飯食。當日奶量即刻少咗，BB扭計，可能D人奶變咗」。一次港爸預備了魚著她蒸，但最後陪月自把自為變成煎，「佢話佢鐘意煎多過蒸，完全無理媽媽要飲食清淡」。
3. 工作時常失魂
母乳媽媽必須要按時進食，但陪月姨姨竟「煮好餸， 但唔記得煮飯」。而且不能按時用膳是常有的時，經常令媽媽遲食午飯。港爸又指其中一天，「得一個湯一個餸，但個雪櫃係好多材料已經準備好冇用」，令他大感無奈。
Photo from MamiDaily
4. 工作毫不專業
陪月姨姨經常跟哺乳媽媽聊天搭訕，阻礙媽媽休息時間影響上奶。港爸又指責陪月竟要求媽媽幫忙在淘寶買她的私人物品、平日不會主動洗奶樽，且她煲完的湯水，「自己飲得多過媽媽」。
中伏陪月員屬個別例子？
港爸表示跟陪月姨姨反映問題後仍沒有大改善，最終寧願補錢讓她提早離開。帖文引起不少爸媽網民熱議，有人認為大部分陪月的質素良好，大多都會盡心盡力做好本分，而港爸只是「唔好彩」。
Photo from MamiDaily
網民分享中伏經歷
不過也有人分享自己也遇過中伏陪月，「第一個星期買餸買咗六千蚊，之後我哋話自己買返餸，佢全程黑面，黑到last day」、「我比你更慘。1.用D大人都覺得燙手既水幫BB沖涼，次次沖BB都喊；2.偷野，偷咗BB一出世、我媽咪最好朋友比嘅一封大利是、偷我屋企嘅貴重嘢，金器、匙羹、CD都偷」。
Text：Mami Editorial
Source：~ 家務助理、陪月、保姆、嬰兒照顧、產婦照顧 情報站 ~
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
