【產後婚姻】人夫呻「女人生完仔係咪當老公死咗」 一個自私舉動遭網民炮轟

【產後婚姻】人夫呻「女人生完仔係咪當老公死咗」 一個自私舉動遭網民炮轟

家庭關係 夫妻關係
By Louisa on 07 Nov 2021
Digital Editor

進入婚姻是二人感情的一大里程碑,而生兒育女後對很多夫婦來說都是個大考驗。爸媽的生活重心都放在小朋友身上,而投放在伴侶的時間心力則變得次要,嚴重更會釀成婚姻危機。一名人夫大呻老婆產後只顧孩子而不顧老公,本來想求網民安慰,卻反遭炮轟。

爸媽的生活重心都放在小朋友身上,而投放在伴侶的時間心力則變得次要。Photo from MamiDaily

女人生完仔其實係咪會當老公死咗?

該名人夫在連登討論區以「女人生完仔其實係咪會當老公死咗」為題發文,他指老婆自從產子後,每天「放負」已非新鮮事,而夫妻倆更會「為咗小朋友嘅事三日唔埋兩日嘈一次」。他又提到老婆現在的心思「100%放係小朋友度」,而完全忽略他。

一名人夫大呻老婆產後只顧孩子而不顧老公,本來想求網民安慰。Photo from MamiDaily

呻工作不順心未獲老婆安慰

人夫坦言有時工作上遇到不順心的事,「其實只係想搵個人呻下,想搵人安慰下我」,但老婆沒聽兩句便會說:「我唔想知,你同我講呢d做乜?你自己消化咗佢再返屋企啦!你覺得我會有時間同心力關心你?」對方的不耐煩表現令人夫心淡。

該名人夫在連登討論區以「女人生完仔其實係咪會當老公死左」為題發文。Photo from MamiDaily

心情不佳仍要開心回應老婆

廣告
廣告

他又指有時候在外受氣或是工作不愉快,他會散個步才回家,可是卻會被老婆狂鬧「text爆做乜仲唔返屋企」。回到家中老婆又會不停講「個仔今日點樣點樣」,要求他給予開心的反應。面對老婆冷待,人夫大呻灰心絕望。

人夫坦言有時工作上遇到不順心的事,「其實只係想搵個人呻下」。Photo from TVB《寶寶大過天》劇照

人夫提離婚 遭網民鬧爆

人夫難忍老婆產子後當老公死,於是曾「嘈過話要離婚」,可是老婆「又喊又自殺咁,話就算死都唔會離,唔會放過我」。原本他打算發文求安慰,可是卻遭網民炮轟自私。不少人認為人夫只顧自己,沒體諒過老婆湊仔的辛酸,「全段字無提過自己有咩責任,娶個老婆返嚟個老婆應份要關心自己同湊仔?」、「生完要湊仔已經好大壓力,樓主仲要恐嚇離婚係女人都癲」。

他又指有時候在外受氣或是工作不愉快,他會散個步才回家。Photo from MamiDaily

有女網民表示女人生產後要承受巨大壓力,「身材走樣、荷爾蒙令情緒改變、嚴重睡眠不足。可能你有嘢想呻,但佢都有好多嘢想人聽佢講」,又指出「如果我生完老公嫌我煩同我講離婚,我應該會發癲」。有人認為樓主老婆應該是壓力太大,建議他「搵日老婆放一日假,樓主照顧個細路,佢都要放鬆下透下氣」、「你試吓成個月日日咁湊仔,睇吓你煩啲定佢煩啲」。

Text:Mami Editorial
Source:連登討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道