【上車時機】想住市區棄買新界樓住女家儲錢 生3件超後悔：元朗3房都買唔起
幾時是買樓時機？有人說：「有錢的時候就是最佳時機。」這種答案或引來白眼，但或者不無道理。有人夫便因為執著於住市區而放棄入手新界樓的機會，儲錢的年月過去，轉眼間他已榮升3孩之父。家庭人數增加，無論支出還是住屋要求都上升，他無奈現在上車無望，對當年決定非常後悔。
Photo from MamiDaily
鍾情住市區拒買新界樓
有網民日前在香港討論區以「堂哥話好後悔當年冇買樓結婚」為題發帖，他指堂哥在結婚前已有置業的打算，惟鍾情於市區樓，因此即使那時夠資金購買新界樓都沒有入市。兩夫婦婚後決定與女家同住，一邊儲錢一邊物色市區樓。
Photo from MamiDaily
育有3孩上車無望
樓主稱堂哥在女家「住住下就住咗幾年」，現在他們更已育有3子女，而上車的機會卻越來越遙遠。樓主稱夫婦「錢唔係儲唔到」，但現在一家五口，住屋要求上便至少要住3房單位。要求比新婚時大大提高，堂哥無奈現在「咪話巿區呀，元朗3房都買唔起呀......」堂哥的經歷令樓主慨嘆，「如果想買樓，真係要諗清楚想生幾件先。」
Photo from MamiDaily
生養小孩要視乎能力
要負擔家庭又要置業買樓的無奈引起網民共鳴，有人認為樓主的堂哥沒有檢視能力便生3個小朋友，面對現在的困境是咎由自取，「未買樓先生仔，自己行錯路，行咗條不歸路」、「其實都係真，不能話幾十年前嘅人四五條友住300呎，如果能力真係住得起兩房，生一兩個好喇」、「3小2大，起碼買一棟村屋喎！」
Photo from MamiDaily
網民：買樓忌揀擇
也有網民認為有能力的話應先置業，不應執著於理想條件，「買樓唔好咁揀擇，上咗樓先，有錢再換」、「眼高手低囉，無樓就點都要買第一間先啦，又話要市區又話港島又三房，呢世都唔使買啦」、「是是但但買左先最穩陣」、「買樓唔降一啲要求，或者唔衝動，真係一世買唔到樓」。
Photo from MamiDaily
Text：Mami Editorial
Source：香港討論區
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
