【挪用公款】老公偷用聯名戶口資金資助細佬結婚　人妻嬲爆：係我哋筆首期！

家庭關係夫妻關係

By Louisa on 03 Dec 2022

Digital Editor

錢銀處理是夫妻必要溝通清楚的問題之一，尤其是聯名戶口中的資金，如何運用一定要跟另一半溝通清楚。日前一名人妻在網上大呻丈夫竟然為了資助細佬結婚，而偷偷瞞著她動用了聯名戶口的金錢，令她非常憤怒。

Photo from TVB《香港愛情故事》劇照

老公偷取聯名戶口錢給細佬

該名人妻在香港討論區以「原來老公個細佬瞞住我叫我老公資助佢結婚」為題發帖，她稱自己跟老公有開設聯名戶口一起儲錢，而戶口內的錢都是用作買樓首期之用。近日老公的細佬準備結婚，兩夫婦原本溝通好決定給1萬元作人情。

用5萬元資助細佬結婚

豈料樓主日前發現聯名戶口內突然少了5萬元，才揭發原來老公的細佬「瞞住我叫我老公姐係佢阿哥資助佢結婚，想我老公資助佢5萬!」，隨後老公答應並偷偷從聯名戶口中取出5萬元給細佬。最令她憤怒的是，「佢唔係借，係要我哋出錢」。

Photo from TVB《寶寶大過天》劇照

斥老公「幫人唔使理老婆？」

樓主難以接受老公挪用「公款」的行為，她反問「你用自己錢我話知你，你用聯名戶口錢，係咪應該要講聲呢？」她稱由於兩夫妻存款不多，聯名戶口內是二人辛苦儲蓄的首期，基本上是大家一人一半，又謂「如果我哋好多閒錢，咁5萬蚊真係冇所謂，但我哋仲草緊錢比首期呀，你幫人唔使理老婆？」

網民撐老公幫兄弟無問題

雖然錢是拿了去給家人，但樓主認為在幫別人前，「咁你都要顧掂自己先幫人啦」。加上老公細佬現在不是借錢，而是要求資助，「姐係送錢比人使呀！」不過有網民認為「一世人兩兄弟」，互相幫忙並無不妥，著樓主不要太小器。「兩兄弟嘅嘢同你啲外人有乜嘢關係？正所謂兄弟如手足，妻子如衣服」、「5萬支持親兄弟，有咩所謂」。