【婚禮趣聞】道風山變寶福山?外母致詞不慎當眾放響屁?鄭中基邀網友暢談「婚禮爆笑蝦碌事」

【婚禮趣聞】道風山變寶福山?外母致詞不慎當眾放響屁?鄭中基邀網友暢談「婚禮爆笑蝦碌事」

家庭關係 夫妻關係
By Irisa on 20 Oct 2021
Digital Editor

早前本報曾經報道,商業電台節目《早霸王 Good Morning King》在 Facebook 專頁舉行投票,邀請網民選出「十大婚禮MC講錯最好笑嘅說話」。(詳見:「結婚蛋糕代表新人嘅感情,我哋而家一刀切落去」 婚禮MC講錯最好笑的15句說話)其實除了MC口誤,婚禮這個喜慶場合亦不時發生大大小小的「蝦碌事」。昨日鄭中基就在社交平台邀請網友分享「一人一個結婚之匪夷所思」,大談婚禮上的搞笑故事。不少網民都踴躍暢談自己的婚禮奇聞,就連有多年婚禮主持經驗的林盛斌 Bob 亦有留言分享。

鄭中基在社交平台邀請網友分享「一人一個結婚之匪夷所思」,大談婚禮上的搞笑故事。
Photo from 暖男爸爸 劇照

編輯精選10個最搞笑的婚禮「爆笑蝦碌事」

1/ 林盛斌 Bob 親身經歷

7-8年前試過有一次個外父飲大咗,去到婚宴尾段突然上台攞咗我支咪。然後佢指住台下面個新郎哥講:「你呀,記住對我個囡好啲呀!如果唔係,我x爆你老母㗎!」(含有粗口)之後全場靜晒,最正嘅係新郎個阿媽(即係奶奶)當時坐咗喺主家席嗰度食緊個伊麵。然後我就攞返支咪話:「外父放心啦,為咗保護屋企人,我相信佢一定會對你個囡好好㗎!同埋奶奶都70幾歲啦,不如就咁算啦!」跟住全場大笑兼拍手掌,最緊要嘅係奶奶都企咗起身拍晒手!

2/ 想結婚變離婚?

新郎係未開席前就已經飲醉咗,然後四圍喊住同人講「我唔想結婚呀~」

3/ 兄弟飲醉啦

有個兄弟好醉咁攬住個人,仲好興奮咁行過去同新郎講:「我介紹個朋友你識,好有義氣㗎,佢叫長毛哥!」然後新郎好冷靜咁同個兄弟講:「嗰個我老豆嚟!」

4/ 紅事變白事?

係道風山證婚,MC講咗歡迎來到寶福山(骨灰龕場)

5/ 話中有話?

MC是新娘閨蜜:「新郎你真好彩!我見過佢咁多個男朋友,最後畀你帶得走 Mary!」

不少網民都踴躍暢談自己的婚禮奇聞,就連有多年婚禮主持經驗的林盛斌 Bob 亦有留言分享。
Photo from 玩嘢王 節目截圖

廣告
廣告

6/ 老爺擺明唔妥新抱?

之前做婚禮攝影助手,見過最爆係有次老爺搶咪上台話要送首歌畀一對新人祝福吓。當時無樂隊佢就決定清唱,佢一開口大家立即鴉雀無聲……因為當時老爺好有感情地唱:「分飛萬…里,隔…千…山」,佢台下啲朋友仲一齊大合唱。未唱完新娘已經燶晒面,台下仲有條友大叫 encore,當然老爺都唔想掃大家興,所以清一清喉嚨就勉為其難咁只係再唱一首咁多,首歌仲要係「如果命𥚃早註定分手…」到底係咩玩法呀?

7/ 大喜日子咁嚟講笑?

新娘皮膚好白,新郎皮膚好黑,婚禮上MC話「一對新人一黑一白,好似黑白無常咁襯…」結果全場靜晒。

8/ 已經預想到新郎同外母嘅關係將會係凶多吉少

有次去同事婚禮,佢啲朋友親戚都好靜,好似大家係唔熟嘅人圍埋一齊普通食餐飯咁。之後話請外母上台講幾句說話,咁大家拍完手掌之後都好安靜聽佢講嘢。外母喊晒講到甩甩咳咳,突然佢好似放炮仗咁放咗一連串好大聲嘅響屁。當時全場都聽得好清楚,大家都忍住唔笑,但個新郎竟然一路上台一路大笑,後來外母匿咗入化妝房好耐。

9/ 玩新郎唔好玩咁盡

我都明啲姊妹們要玩新郎過下癮,但玩下甜酸苦辣咪好囉!係都要玩屎尿屁、尿片、M巾、Nutella 咁?開席播出嚟嗰陣,MC係咪要講:「大家食緊嘢嘅同時,不如我哋睇下新郎今朝食屎嘅情況啦!」

10/ 真正嘅鴻運當頭?

一對新人係台上開香檳,點知個酒塞射咗落坐係主家席嘅老爺個額頭上,當時全場笑到癲,而新人就好尷尬。

《早霸王 Good Morning King》亦曾在 Facebook 專頁舉行投票,邀請網民選出「十大婚禮MC講錯最好笑嘅說話」。
Photo from 我要做Model 電影截圖

Text : Mami Editorial
Source : Ronald Cheng 鄭中基 FB

🤱🏻 追蹤我們的 Instagrammamidaily.hk看更多育兒教育資訊

🔔 訂閱MamiDaily 親子日常 YouTube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【人體冷凍】癡情夫冷凍亡妻盼有生之年再重聚 被爆出另結新歡:我是人有正常慾望
家庭關係
10 hours ago
【人體冷凍】癡情夫冷凍亡妻盼有生之年再重聚 被爆出另結新歡:我是人有正常慾望
【夫妻關係】林燕玲樂觀回應丈夫出軌負面新聞 自喻微塵凡事看得開上載全家福粉碎謠言
mami熱話
2 days ago
【夫妻關係】林燕玲樂觀回應丈夫出軌負面新聞 自喻微塵凡事看得開上載全家福粉碎謠言
【夫妻關係】陳展鵬攜單文柔節目放閃 指太太是自己的讀心專家掌握手機密碼
夫妻關係
3 days ago
【夫妻關係】陳展鵬攜單文柔節目放閃 指太太是自己的讀心專家掌握手機密碼
【心理健康】無法避免在孩子面前吵架?爸媽事後這樣做比扮無事好得多
3 days ago
【心理健康】無法避免在孩子面前吵架?爸媽事後這樣做比扮無事好得多
【求婚方式】男友在1地點求婚被嫌欠浪漫 準新娘抱怨:樣樣都輸畀閨密
家庭關係
5 days ago
【求婚方式】男友在1地點求婚被嫌欠浪漫 準新娘抱怨:樣樣都輸畀閨密
【人有相似】無啦啦被未來奶奶叫入廚房打一巴 對方發現擺烏龍尷尬笑當無事
家庭關係
5 days ago
【人有相似】無啦啦被未來奶奶叫入廚房打一巴 對方發現擺烏龍尷尬笑當無事
Hottest Articles
最熱文章
【罕見姓氏】姓「屎」爸爸自幼被取笑!苦惱女兒怎改名 嫲嫲超神提議獲全家一致通過
mami熱話
2 days ago
【罕見姓氏】姓「屎」爸爸自幼被取笑!苦惱女兒怎改名 嫲嫲超神提議獲全家一致通過
【仲勁過姜濤】澳洲10歲女創業首月勁賺156萬 計劃15歲退休歎世界
mami熱話
10 hours ago
【仲勁過姜濤】澳洲10歲女創業首月勁賺156萬 計劃15歲退休歎世界
【不孝子女】送8子女赴美升學全部博士畢業 92歲父被當人肉提款機結局淒涼
mami熱話
2 days ago
【不孝子女】送8子女赴美升學全部博士畢業 92歲父被當人肉提款機結局淒涼
【禁裙令】幼稚園立「禁裙令」激起家長聯署抗議 老師無奈嘆:爸媽來學校看就會明白
mami熱話
15 hours ago
【禁裙令】幼稚園立「禁裙令」激起家長聯署抗議 老師無奈嘆:爸媽來學校看就會明白
【罕見姓氏】超罕見姓「久」新手爸絞盡腦汁為女改名 最終決定用2字太太聽到面紅
mami熱話
a day ago
【罕見姓氏】超罕見姓「久」新手爸絞盡腦汁為女改名 最終決定用2字太太聽到面紅
【催谷潮流】媽媽谷聞有家長訓練「超能囡囡」預備升小 港媽壓力大:只能移民避催谷?
mami熱話
2 days ago
【催谷潮流】媽媽谷聞有家長訓練「超能囡囡」預備升小 港媽壓力大:只能移民避催谷?