【看管子女】怪男商場內突狂扯4歲女童頭髮　媽媽目睹嚇到個心離一離

家長帶小朋友外出時，定要提高警覺，好好看管子女以免意外發生。有港媽早前帶同4歲女兒逛屯門市廣場時，突然有一名陌生男子大力拉扯女兒的頭髮左右甩。女童被嚇哭，而媽媽亦被嚇得不知所措。

Photo from 網上截圖

4歲女兒商場內被扯頭髮

該名港媽在Facebook群組「屯門牛牛」投稿，指日前跟4歲女兒和婆婆在屯門市廣場閒逛時，小朋友突然人有三急走到廁所門口附近，但2個大人沒有為意。突然有一陌生男子「好用力咁扯住我個囡啲頭髮，仲fing咗佢個頭兩下。」

Photo from MamiDaily

港媽和女兒均被嚇呆

該名男子身邊的2名同行者立即喝止著他放手，不久後男子停手，隨後他和同行者慌忙向港媽和小朋友道歉。此時有3名商場保安人員來到，港媽形容當時「嚇到個心都離一離，都未嚟得切反應」，逐即時抱走女兒「攬實佢」。

Photo from MamiDaily

希望家長能保護好小朋友

港媽指當時女兒「嚇到淨係知好痛同大喊」，而她亦表示「我其實唔知發生咩事」，事後憶起事發經過仍然猶有餘悸。她希望藉分享此經歷，提醒其他家長帶小朋友外出時要小心，並保護好小朋友。

不少網民估計該名男子可能患有精神病，「如果佢係持咭精神病人士，報警作用不大。我自己同小朋友出街真係會一眼關七，不時周圍望」、「可能男人有病2個人陪住佢點知突然失控」、「一定要報警，如有攻擊性復康中的朋友，會入院校藥/治療，到情況好轉才出院，是有用的。」

延伸閱讀：
【土地問題】窮男身上只剩50元租住公廁　覓真愛娶妻生子住足5年
延伸閱讀：
【老公陪產】老公怕痛不敢做病毒檢測陪產　孕婦憤怒：十月懷胎生仔都未話痛

Text：Mami Editorial
Source：屯門牛牛