【準爸爸感性回憶太太初懷孕感受懷孕係兩個人既事應共同見證】

By 梵高爸爸新手日記 on 23 Feb 2018

梵高初當爸爸的一刻開始，世界從此不一樣－由太太懷孕、寶寶出世、直至長大，我會盡力留下最珍貴的回憶，樂意伴她分擔照顧BB的使命，並跟其他新手爸爸互相交流

寶寶5個月啦~即是過了懷孕期一半，生命影響生命爸爸生活大不同了，回帶到初為人夫第一刻的忐忑！

2017/11/12 00:25
太太: 老公，我個肚扯住扯住痛，有xxx分泌
梵高: 你係咪有咗? (心唸點會呀?)
太太: (驗孕試紙驗尿) 老公，兩條線呀
梵高: (來不切反應，腦袋一片空白) Google話懷孕哦 (跟手即刻Whatsapp護士朋友)
護士朋友: 恭喜你做爸爸
梵高: 咩呀? (衝出房門搵我老媽子) 呀媽，佢有咗
梵高媽: 咁咪好lor...即刻去屯門醫院...驗吓有冇宮外孕!!!
太太: 老公，你有咩感覺
梵高: 冇咩太大感覺 (或者唔識俾反應)
太太: 幫我帶 xxxxxxx，唔該爸爸 (溫柔講出百件items)

---------------------------------------------
2017/11/12 01:00 屯門醫院
醫生: (排急症) 叫咩名? 咩事睇急症?
梵高媽: 我家嫂有咗！呀仔拎身份證同錢 (如是者，老媽子不停重覆) 好急好急
15分鐘後入醫生房照超聲波
醫生: (指向超聲波胎囊位置) 你太太懷孕6星期，有心跳，要留院觀察
梵高媽: 醫生，係仔定女?
醫生: 未知
醫生: 你哋唸住屯門醫院生?
梵高: ..... (吓！！！咁快諗定？)
梵高媽: 好...兩家人住咁近，照顧都方便d...梗係好啦
太太: 好

上到病房
醫生: 請問太太叫咩名? 電話身份證幾多號?
梵高: .... (黑人問號3秒～) 答....
太太: (冷靜mode) 要執齊xxxx俾我
爸爸即晚飛的來回屋企醫院，原來結婚兩年多，個一刻先知道老婆d日用品放邊個櫃桶，亦意識到緊張！
當夜5時，我自high得不能入睡

--------------------------------------------
2017/11/12 12:00
接出院
岳父岳母大人:你哋喺邊間病房?
梵高: 我出嚟接你地
梵高媽: 親家，你哋做公公婆婆啦 (老媽子笑到合不攏嘴)
岳父: (岳父仁慈而眼泛淚光) 封封利是，利利是是
梵高媽: (岳母笑住估) 我估係仔
如是者，懵完一輪出院找數
醫生: 呢張係醫生證明書，你要x月x日去健康院登記，要x月x日登記去驗唐氏綜合症.....
梵高: (心唸: 點算?? 咁多樣野點記?? 屋企事一向都係老婆，我唔識處理)
結婚承諾會照顧老婆一生一世，然而才意識到，我埋首工作兩年，衝刺升職加人工的同時，忽略了家庭與另一半
--------------------------------------------
2017/11/13
爸爸放心不來，經介紹睇中醫，開了兩劑安胎藥，有鹿茸等藥材。飲後老婆肚子劇痛，亦見紅，即刻飛的屯門醫院，結果...作小產先兆!!!!
當刻，我盡量抑制擔心的情緒，需要先處理太太情緒，就算眼中多能幹多堅強的女人，亦有脆弱的一面，更何況初為人母，面對第一個生命孕育在自己母體內? 絕不能掉以輕心，爸爸向公司請了幾天假，亦盡量安排準時收工 (多謝老闆和好同事的配合)，抽多些時間陪太太也好，調理身體也好。在黃金三個月，太多不穩定因素，唯有不時講：「爸爸媽媽好愛你，感恩你蒞臨周家家庭，我哋一家三口加油呀！」
半夜，也許要飲熱奶
半夜，也許要聽安胎音樂
假日，也許要做家務
也學會樂在其中
--------------------------------------------
結婚諾言：「將來怎樣未必控制到，但無論日子如何，我會盡力將最好的全給你，因為你是我生命中最珍貴的女人。」因此，我絕不容許自己不知道怎樣照顧太太和BB。男士使命是這樣煉成的！嘗試在網上找爸爸媽媽會、屯門醫院7月群組，都被拒諸門外，但男性亦有束手無策的時候。BK又好似太多負能量，就算《產前手冊》或健康院資訊亦有限，所以開始問身邊的媽媽朋友或徵二手物品：
1. 邊個醫生做產檢好?
2. 懷孕要食咩? 飲食禁忌?
3. 驗唐氏綜合症要準備咩?
4. 大肚要補充咩營養?
5. 托腹帶做咩?
6. 洗唔洗買定胎教教材? 奶瓶?BB衫??
7. 入咩媽媽會得禮物?
-----------------------------------------------
2018/1/1 #3mths