兒童可放養　但眼晴忌「放養」！配戴兒童近視控制鏡片可控制加深情況&減低併發症！

資訊科技發達加上疫情的影響，現時6-12歲兒童學習多改為電子課本、電子教學。中大醫學院最近有研究指出¹，疫情下兒童近視發病率是疫情前的2.5倍，每日使用電子產品的時間亦增加1.8倍，粗略估計學童近視每年將會加深80度！

近視除了會令兒童視力受到影響，無法看清遠物之外，其實處理不當更會變成深近視，增加出現視網膜脫落、黃斑點病變、青光眼等併發症或退化的機會！註冊視光師鄧子誠指，香港兒童近視的情況於全球名列前茅，但普遍家長都會對兒童近視有錯誤觀念，是次一文為大家破解。

迷思1：兒童表示視力模糊才需要驗眼？
「小朋友表示睇嘢矇，家長帶佢哋去驗眼係正常嘅；但好多時小朋友未必咁識得或者係敢於去表達。同埋有啲情況可能佢係有弱視、斜視或者只係得一隻眼有近視嘅情況，小朋友未必話到比家長知，呢啲都係需要用儀器去幫佢檢查先會發現。建議家長應該自小朋友3歲起，每年進行視力檢查，直至發育期完成。」

迷思2：兒童近視度數超過100度才需要戴眼鏡？即使要戴眼鏡度數亦不需要與近視度數相同？
有小撮家長會認為小朋友近視不深，只要將物件移前即可解決「睇嘢會矇」的問題而無須配戴眼鏡；亦有家長認為不需要為小朋友驗配足夠度數的眼鏡。註冊視光師鄧子誠表示這是一個不正確(Under Correction)的矯正方法！有很多研究顯示，當眼睛出現度數而不進行矯正，會令眼睛近視出現加深的速度更快。現時亦有報告指出50度或以上即屬近視，宜採用完全矯正(Full Correction)的方法，即是有度數要配戴足夠度數的眼鏡。

迷思3：兒童有近視戴眼鏡就解決問題？
「近視學童配戴近視眼鏡，無可否認係可以解決視力上嘅問題，令佢哋睇嘢清晰啲，我哋叫做視力矯正(Visual Correction)，但呢啲近視眼鏡對於解決近視加深嘅問題係起唔到任何幫助。」

迷思4：兒童戴藍光眼鏡可以預防/減慢近視加深？
「抗藍光眼鏡本身會對眼睛的健康或會帶來部分的幫助，配戴者觀看電子產品時會較為舒服。但現時未有研究能證明小朋友配戴藍光眼鏡能對近視加深速度的影響。」

迷思5：兒童細個近視，大個做矯視手術就會好？
「好多家長都會覺得大個做矯視手術就可以將近視問題一了百了，但要知道矯視手術只可以矯正視力回復正常。但小朋友近視嘅原因係基於眼球拉長，令遠方事物嘅焦點落喺視網膜前面，而眼球拉長會令視網膜會變弱、變薄，其後會出現好多唔同嘅眼睛疾病。重點就係，就算做咗矯視手術，睇嘢清返都好，都唔可以令視網膜變返正常嘅厚度，所以做矯視手術純粹只係將視力矯正，但對眼睛嘅健康係無幫助。」

及早採用兒童近視控制方案 有助守護眼睛健康！
近視問題不容忽視，當發現小朋友有視力問題時應及早控制。市面上有不同控制近視的方法，家長為小朋友選擇時難免無從入手，註冊視光師鄧子誠建議家長應向視光師諮詢：「要為小朋友選擇合適嘅控制近視方法，除咗要考慮產品嘅成效、使用方法同安全性，亦要根據小朋友眼睛檢查嘅結果，再綜合生活習慣、家族眼睛病史、等條件後做出決定。」

專業視光師首選推薦之兒童近視控制鏡片
根據GFK市場調查公司於今年5月就兒童近視控制產品進行的網上問卷調查，結果指出高達98%的受訪視光師認為，由HOYA及香港理工大學眼科視光學院共同研發的MiYOSMART兒童近視控制鏡片最值得信賴，並會以它作為首選推薦的兒童近視控制鏡片²。難怪自2018年推出以來，MiYOSMART兒童近視控制鏡片全球已累積超過五十萬位小朋友採用，深受家長及小朋友信賴。

註冊視光師鄧子誠提醒，不論小朋友選用那一種的控制近視方法，日常亦要保持良好嘅護眼習慣：
1.　增加戶外活動：每日最少2小時，每星期累積最少14小時
2.　保持最佳閱讀距離：書本及電話30cm；平板電腦40cm；電腦50cm；電視70cm
3.　定時休息：每30分鐘就休息2分鐘，避免眼睛過度使用

另外，要定期進行視力檢查，當發現有視力問題時，及早採取合適的方案。有需要的家長及學童，可向註冊視光師查詢：https://bit.ly/3DP8xOB

1. 中大醫學院研究報告：https://www.med.cuhk.edu.hk/tc/press-releases/cuhk-study-demonstrates-a-2-5-fold-increase-in-myopia-incidence-in-children-during-covid-19-pandemic-due-to-less-time-outdoors-and-more-time-on-screens
2. 98% optometrist respondents recommend Hoya MiYOSMART as their first choice of recommendation of myopia control spectacle lens according to study by GfK Optical Shops during the period from 3-19 May 2021 with 172 optometrists respondents.

Featured For HOYA