【親子好去處】葵芳歷奇公園放電

暑假就梗係要去旅行啦！(你話係唔係！)
繼上次著埋浴衣去yoho扮去日本之旅，今次繼續嚟多次「 偽日本之旅」，主角仲要係可愛到爆的蛋黃哥！
只要你嚟 新都會廣場露天廣場，就會見到一個個色彩繽紛的大型打卡點，當然唔少得就係又圓又可愛的蛋黃哥hea住坐陣啦!
梳乎茶座，嚟飲杯茶先啦~~

蛋黃哥Post office

蛋黃哥名信片

梳乎站，無貓巴士有蛋巴士

每個點點影都係咁吸睛，點影都咁靚，媽媽的少女心都出晒嚟！

仲有室內景點

現場仲有一大片「草」地，見到唔少人會坐低睇下書/電話咁，十分寫意，當然亦係男朋友同女朋友影靚相的好地點啦。（夫妻的話，就要睇老公實力如何啦！）

除咗打卡，絕對要去埋十幾米以外的歷奇公園，雖然都嚟過幾次，但一啲都無減到兩位小姐的熱情。

因為疫情的關係需要控告人流，本來3個出入口封淨一個（M記隔離），當日11：00am開始派入場卷，先到先得。

當日我到達時已5：00pm, 雖然公園已經唔少人 (我覺得~)，但亦可以即場入場，眼見大約仲有20-30張入場卷未派。

雖然人唔算話好少，但叫比以前人山人海好。媽媽一直好欣賞呢度一樣嘢，就係有洗手設施，玩完可以洗乾淨對手先走，安心晒！

新都會廣場「GUDETAMA 夏日梳乎『郵』」

日期：7月10日至8月31日 (要去要快手啦！）

時間：10a.m. – 10p.m.

地點：新都會廣場L3 – L4露天廣場

Text & Photo : 浠姐、小肥滺與金仔